كامل الوزير لمهربين: "المهم حصيلة التهريب تعود علينا بحاجة"

وقال الوزير مخاطباً المهربين: "أنتم مهربين خايبين (فاشلين)، لو أنا احتفظت باللي أتهرب، وعملت بيهم شغل، كنت غسلتهم دلوقتي، ما ده غسيل أموال... المهم إننا موافقين تهربوا في الشونة الرئيسية، بس تشتغلوا.. أنا موافق اللي يهرب يهرب، بس يشتغل... المهم حصيلة التهريب تعود علينا (الجيش) بحاجة... على فكرة هي مش هاتعود علينا لوحدنا، وهاتعود عليكم أنتم كمان، وهاتبقوا مقاولين كبار".

وأضاف الوزير في الفيديو: "بقول الكلام ده سواء للناس اللي هنا بتوع الضبعة ومطروح، أو للصعايدة الرجالة اللي جم (حضروا)، أو بتوع وجه بحري زي كفر الشيخ، اللي الناس بتوعها شغالين كويس، والمنصورة كمان عشان قرايبنا... وأنت عمرك ما هاتدخل في مشروع، وإلا وهاتأخذ فيه سلفة مقدمة... وأنا مستعد أديك (أعطيك) الخرسانة، واللي عاوز خشب هانجيب له خشب، لأننا هانكون المقاولين مش أنتم!".

ووافق مجلس النواب، اليوم، على ترشيح الرئيس عبد الفتاح السيسي للفريق كامل الوزير للتعيين في منصب وزير النقل، وهو أحد الجنرالات المقربين من السيسي، بوصفه المسؤول الأول عن إدارة استثمارات الجيش الضخمة في قطاع النقل والطرق، بعيداً عن موازنة الدولة، والمكلف من جانبه لإدارة الجانب الأكبر من مشروعات الطرق والجسور التي تنفذها الدولة، فضلاً عن إنشاءات العاصمة الإدارية الجديدة.