سخرية واسعة من تصريحات كامل الوزير عن بدلات الموظفين

ولاقت تصريحات الوزير حالة من السخرية الواسعة على مواقع التواصل الاجتماعي في مصر، إذ كتب حازم "أولاً: وأنت مالك؟ إنت مجرد وزير مواصلات، مش رئيس الحكومة عشان تتكلم عن صرف بدل مواصلات للموظفين الحكوميين. ثانياً: ألفين جنيه في 52 ألف موظف يعني 104 ملايين جنيه شهرياً، يعني مليار وربع المليار سنوياً. فقط لنقل الموظفين لعملهم في عاصمة المنظرة والفهلوة، المبلغ ده يعمل كام مدرسة أو مستشفى؟!".

وتساءلت مي عزام "كم سيكلف ذلك ميزانية الدولة؟ أضف إليه ميزانية وقود السيارات الحكومية، وكم سيتكلف المواطن الذي لديه مصلحة في العاصمة الإدارية؟ وهل ستكون هناك تذاكر مخفضة للمواطنين؟!".

وشارك محمد رمضان "طبعاً مش هايخدوهم في إيدهم، لكن هايعطيهم اشتراكات في المترو الجديد بتاع العاصمة، اللي ماحدش هايركبوا لعدم توافر الكثافة السكانية، أو وجود جدوى من إنشائه، وبكده الدولة هاتتحمل ثمن تكلفة المترو، وثمن تشغيله المجاني".

وسخر سعيد تمساح "104.6 ملايين جنيه بدل انتقال شهرياً للعاصمة الإدارية، يعني مليار وربع جنيه سنوياً، وهو ده أسلوب إدارة الفشلة".

ومذكراً بتصريح سابق للرئيس عبد الفتاح السيسي، كتب رامي عامر "نقل 52 ألف موظف للعاصمة الإدارية، هايكلف الدولة أكثر من مليار جنيه بدل مواصلات سنوياً. افتكرت مرة عضو مجلس شعب قال في إحدى الندوات اللي مالهاش حصر للرئيس زوّد المرتبات إلى 3 آلاف جنيه، فرد عليه بتوبيخ، وقال له: إنت درست الكلام ده كويس قبل ما تقوله؟!".

والتقط كامل عوف تصريحاً آخر، فكتب "كامل الوزير بيقول لأحمد موسى: وإحنا بنحفر لقينا غاز، طبعاً إحنا عملنا جسّات بس يمكن عمقها ماوصلش للغاز أو أماكنها. ولما عمقت الجسات ما وصلش لغاز، حفرت ليه أكثر من عمق الجسات؟ بالذمة دي هندسة ولا كفتة؟!".

وبسخرية قال حساب الملاك الحزين "كامل الوزير المكنة عطلت، والسيسي قالي وحياة دموعك يا كامل ربنا هايوفقنا. يا ناس يا عسل المحن بتاع العسكر وصل".