#ميدان_التحرير و #ارحل_ياسيسي يتصدران "تويتر"... والأذرع تبكي وتتخبط

في الوقت الذي كانت فيه أذرع السيسي تلطم وتبكي على الهواء، في محاولة لإنكار التظاهرات، وكان أهمهم المذيع المقرب من الأجهزة الأمنية، أحمد موسى، الذي وصل اسمه لقائمة الأكثر تداولا، بعد انتشار فيديو انهياره على الهواء في حلقة برنامجه "على مسؤوليتي"، على فضائية "صدى البلد"، وهو يقول بصوت يقترب من البكاء: "إحنا في محنة.. والله إحنا في محنة".

وانتشرت على الوسوم فيديوهات وصور التظاهرات، والكر والفر بين الشرطة والمتظاهرين، في محاولة لتوثيق الأحداث، بعد حالة التجاهل التي أصابت الأذرع الإعلامية والكتائب الإلكترونية.

ولمّحت خلود حميدة لتصريح سابق وقالت: ‏"يا أبو دبورة ونسر وكاب.. احنا الشعب مش إرهاب.. كنت فاكرة حد قال لو عايزني امشي همشي من غير نزول.. حسبي الله ونعم الوكيل.. ربنا يحمينا. #ميدان_التحرير". وتمنى أحمد منير: "‏ياللي فوق، إياً كان السيناريو اللي بتنفذوه بلاش الغلابة يبقوا كبش فدا ويموتوا بلاش دم. #ميدان_التحرير".

وتقدم مينا بالنصح للمتظاهرين: "أي وقت تسمع فيه صوت رصاص أو خرطوش احمي عينك. حط معصم ايدك قدام عينيك عشان يستقبل شظايا ومقذوف الخرطوش. إصابة الذراع أخف من العين. أو لف وادي ضهرك الخرطوش. ‎#ميدان_التحرير ريتويت.. ممكن تحمي عين شخص". وعن المعتقلين كتب محمد السيد: "‏ده احنا لو هنعمل ثورة عشان فرحة الناس دي بس كفاية والله ، تحية لكل مصري فى الشارع دلوقتى عشان خاطر البلد دى. #ميدان_التحرير". وأكد هيمو مقصود: "‏المصريين صدروا البلحة لأمريكا وممنوع الاسترجاع. ‎#ميدان_التحرير".

وأشار صاحب حساب "بائع الصبر": "‏‎#ميدان_التحرير.. أول الغيث قطرة واحنا كده كسرنا حاجز الخوف الهلامي اللى كان عامله بلحه ونظامه القاتل الفاسد. وإن شاء الله ثورتنا المباركة ثورة الحق سوف تنتصر وكلمة الشعب اللى هاتمشى". ونقل محمود مراد: "‏الهتاف في سيدي بشر بالإسكندرية قبل قليل: يا الله يا الله.. خد السيسي واللي معاه".

ونقلت ياسمين: "‏الوضع في المنصورة اتغير خالص.. الأعداد كبيرة.. الهتافات ارحل ومش هانمش هو يمشي ... أنا هنا مش بانقل من حد وماف يش شرطة".

ونشرت صدفة فيديو: "‏ضابط شرطة ملثم في دمياط بيقول للمتظاهرين في الشارع "علي راسنا يا رجاله محدش فينا هيعملكم حاجة"، وتوقف الشرطة عن التدخل في حرية حركة المتظاهرين.. كل ده حلو بس دي أوامر جيالكم احنا عارفين قذارتكم برضه. #ارحل_يا_سيسي  #ميدان_التحرير".

وعن أحمد موسى غردت هناء: "‏خبر ينتظره الجميع بلهفة.. أحمد موسى ينهار علي الهواء ‎#ميدان_التحرير #المتحدث_العسكرى".