شهدت مواقع التواصل الاجتماعي على مدى يومين في مصر غضباً متصاعداً مع انتشار فيديو لاعتداء طفل يقود سيارة والده المرسيدس على أمين شرطة بالمرور، حين استوقفه وسأله عن رخصة القيادة، فردّ عليه بالاعتداء اللفظي، وحاول دهسه.
وانتشر الفيديو بصورة واسعة، ما دفع الداخلية إلى القبض على الصبي الذي اتضح أنه نجل قاضٍ، ورئيس محكمة، وأفرجت عنه النيابة وخرج ليحتفل هو وأصدقاؤه في بثّ مباشر من حسابه بموقع إنستغرام، متحدياً القانون والدولة بجملة "ماعندناش حد يتسجن إحنا اللي بنسجن"، قبل أن يحذف الفيديو، لكن ناشطين رفعوه على موقع يوتيوب.
وحاولت الكتائب الإلكترونية والأذرع الإعلامية لنظام الرئيس عبد الفتاح السيسي امتصاص غضب مواقع التواصل، ولعب دور المعارضين بالتشديد على ضرورة تفعيل القانون، وأن الصبي يجب أن يحاكم، وبرروا الإفراج عنه بالقوانين المعيبة التي تحتاج للتعديل، وكانت هي ذات الرسالة التي أجمع عليها بشكل مرتبك ومريب عمرو أديب، ووائل الإبراشي، ومحمد الباز، وأحمد موسى، في قنواتهم وبرامجهم الحوارية "التوك شو".
وكان ردّ مواقع التواصل تصدُّر وسمَي #حمادة_ننوس_المستشار، و #أمين_الشرطة قائمة الأكثر تداولاً، مع هجوم على النظام الذي سمح لطفل بقيادة سيارة، معرضاً حياة المواطنين للخطر دون عقاب، محتمياً بعمل والده، والقانون الذي لم يحاسبه وتركه يحتفل بجريمته.
وطالبت "مون": "شلة الصيع عديمي التربية طالعين يحتفلوا ويطلعولنا لسانهم بعد خروجهم من النيابة العامة ويقولولنا محدش يقدر يسجننا. أنا بطالب بعزل المستشار أبو المجد والد الطفل وإحالته على المعاش زي ما حصل مع السيدة الي شتمت أمين الشرطة في القسم. #طفل_المرور #النائب_العام".
وكتب "دكتور شديد أوي": "الطفل ابن سيادة القاضي اللي خبط أمين الشرطة بعربية وكان سايق من غير رخصة طلع من القضية علشان قانون الطفل بيحرم حبس الأطفال احتياطياً، فالطفل عمل بث مباشر بيحتفل هو وأصحابه وبيشتم في الكل بألفاظ بذيئة، لكن فاكرين الطفل اللي كان معاه مسطرة عليها شعار رابعة يتحبس عادي".
وعلق حميد علام: "أمين الشرطة مش ضعيف، لكن هو عارف حده مع الناس التقيلة والملخص في الصورة دي".
وعن تحايل والده ومحاميه على تحقيق النيابة مع الطفل، سخر محمد صالح: "هذا الفتى معجزة.. فبعد أن اختلس مفاتيح السيارة مرة اختلسها بسرعة مرة ثانية خلال ساعات قليلة بعد أن قام بتغيير ملابسه و قصّ شعره، وهذا كله بعد بيع السيارة بأقل من يوم واحد.. مهارات فائقة وقدرات خارقة.. القضاء ٢ أمين الشرطة والداخلية صفر.. النايب العام وأحمد موسى".
وتوقع محمد السيد: "خلي العيال تفرح وتنبسط.. وبعد كده أمين الشرطة يطلع عقده على الغلابة ويثبت وجوده". ووافقه ليدو في ما يخصّ الصبي: "#حماده_ننوس_المستشار.. مستقبل مصر في صورة ابن المستشار اللي فاكر نفسه فوق القانون، بكرة يطلع مستشار مثل أبوه ويطلع عين الشعب".
وقارنت أماني بين نجل القاضي وطفل التعذيب: "واحد من سنك يا حمادة اتحبس سنتين عشان لبس تي شيرت مكتوب عليه وطن بلا تعذيب. #حماده_ننوس_المستشار". ووافقها أحمد: "#حماده_ننوس_المستشار اتفرجت على فيديو ابن المشششار وقارنت بينة وبين الفيديو دة!!! أرجل ما فيك يا بلد في ايدية الكلبشات وأحقر ما فيكي يا بلد يدوس على رقاب الناس".
واقتنع يوسف سويلم: " #حماده_ننوس_المستشار.. أنا بعد ما شوفت اللايف بتاع الواد ده.. اتأكدت ان بنسبة 98% الواد ده مراحش النيابة العامة ولا اتحقق معاه ولا أي حاجة... ممكن يكون أقصى حاجة عملوها انهم كلموا أبوه بالموبايل واشتكوه.. دولة مؤسسات و قانون ياااا جدااااااع".
ودعا محمد أبو حرجة: "عايزين سيدة القطار تطلع ببيان عاجل تتضامن فيه مع عسكري المرور بتاع الداخلية ولا ده عشان ابن مستشار موش هينفع تتنحي معاه زي الكومسري بتاع القطر اللي اتوقف عن العمل عشان أهان مجند. #حماده_ننوس_المستشار".
وحذّر بهاء: "المشكلة مش في عملة ابن القاضي وتدخل القاضي وطرمخة القضية. المشكلة الأكبر إن ابن القاضي بكرة يبقى قاضي وانتوا طبعاً عارفين إن دي مهنة يتوارثها الأجيال. #حماده_ننوس_المستشار".
واحد من سنك يا حماده اتحبس سنتين عشان لبس تي شيرت مكتوب عليه وطن بلا تعذيب #حماده_ننوس_المستشار pic.twitter.com/7v9DPFvGTd
— Amani (@Amani207) November 1, 2020
مصر في صورتين #امين_الشرطة pic.twitter.com/QwW9uiurUd
— hossam darweesh (@hossam_darweesh) November 1, 2020
#حماده_ننوس_المستشار
— 🆂🅴🆆🅰🅻🅼 🇪🇬 🇪🇬 (@YoussefSewalem) November 1, 2020
انا بعد مشوفت اللايف بتاع الواد ده ...اتأكدت ان بنسبة 98% الواد ده مراحش النيابة العامة ولا اتحقق معاه ولا أي حاجة... ممكن يكون أقصي حاجة عملوها انهم كلموا ابوه بالموبايل واشتكوه😂😂😂😂😂😂😂😂😂
*دولة مؤسسات و قانون ياااا جدااااااع * pic.twitter.com/TBX8QcGt4z
هي الناس أزاي متفاجئة من اللي عملته النيابة العامة مع #حماده_ننوس_المستشار !
— وجهة نظر (@M4ElSharkawy) November 1, 2020
ده حتى خالد صالح الله يرحمه قالها من زمان
" الفئات الأمنة في مصر إلى يوم الدين " pic.twitter.com/1wt81HzZGU
يلااا ياحمادة أشتم عمو#حماده_ننوس_المستشار pic.twitter.com/fQx5VGZfK8
— الديلر 🎭 (@Xuym2ncyAlCjSFx) November 1, 2020
معلش اخر حاجة بالنسبة لموضوع #حماده_ننوس_المستشار دا..الموقف دا بيفكرني بمشهد أسماعيل ياسين مع الشاويش عطية لما قاله المتهم بريئ حتي تثبت إدانته رد عليه وقاله.. "بحر الاذي واسع يا عطية"..الجملة دي تتكتب بحروف من نور في القانون بتاعنا.. حقيقي.. pic.twitter.com/5Cm3VnT2eh
— ⏺مش عارف (@emadmustapha) November 1, 2020
في بلد فيها القاضي لازم يدفع رشوه عشان يتقبل ويبقا قاضي
— التــركــي 2 (@elturkey2020) November 1, 2020
وعضو مجلس الشعب لازم يدفع عشان يبقا عضو
ازاي مستنيين الناس دي تخدم الشعب
الناس دي داخلين الاماكن دي عشان يمصوا دم الشعب اكتر والا مكانوش دفعوا رشاوي اصلا. #حماده_ننوس_المستشار
شوف سبحان الله تشاء الأقدار أن ابو الطفل يبيع العربيه لصاحبه قبل مايطلع بيها #ابن_القاضي الطلعه الاخيره
— Rᗩᑎᗪᗩ SEᒪEEᗰ (@Randaseleem) November 1, 2020
وهذا من ضربات القدر وان صاحب ابوه لانه المالك الجديد يتغرم 10 آلاف جنيه وبناء عليه اطالب بتغريم #امين_الشرطه لعدم ارتدائه الكمامه وشكرا سياده المستشارين #حسن_سبانخ pic.twitter.com/1upPnLWlk4
وعمال تخبطلي علي العربية وتقولي رخصك ... وأقولك أنا ابن مستشار انا ابن القاضي , عجبك منظرك كدا وأنا بشتمك بأمك 😑#امين_الشرطة pic.twitter.com/QMBYIqwTOs
— 😑مصري إلا جزيرتين😑 (@eslam1986abdo) November 1, 2020