جدد مصريون على مواقع التواصل الاجتماعي انتقاداتهم لحكومة بلادهم بسبب قرارها، اليوم الأحد، إلغاء تحديد الحد الأقصى لسعر كيلو الأرز.
وخلال مداخلة هاتفية مع برنامج "كلمة أخيرة" للإعلامية لميس الحديدي، صرّح مساعد أول وزير التموين، إبراهيم عشماوي، بأنه قد تقرر انتهاء المدة المحددة للتسعير الجبري للأرز، لكنه عاد وطمأن المواطنين بأن سعر كيلو الأرز لن يزيد على 25 جنيهاً.
وأثار هذا حالة من السخط الممزوج بالسخرية، كون الأرز إحدى السلع الأساسية التي يعتمد عليها المصريون في طعامهم.
وهاجم وائل حافظ المسؤولين، فكتب: "الحكومة حبت تجبر التجار على حد أقصى لسعر الرز، لكن التجار ماعجبهاش السعر، فراحت الحكومة قالت نستورد الرز عشان تخوف التجار، فالتجار بردو تجاهلوها، فتقوم الحكومة تعمل إيه؟ تحرر سعر الرز، وتسيبه للعرض والطلب، ويقول رئيس الشعبة بكل فخر إن الكيلو هايتجاوز الـ25 جنيه، حكومة فاشلة مهزقة".
واستكمل حسين مهران: "التسعيرة الجبرية لم تؤت ثمارها، ومبادرة سيارات المغتربين ماحدش عملها، ومزارع السمك زودت سعر السمك، طب ده مالفتش نظر حضراتكم لحاجة طيب؟".
التسعيرة الجبرية لم تؤت ثمارها ومبادرة سيارات المغتربين محدش عملها ومزارع السمك زودت سعر السمك، طب ده ملفتش نظر حضراتكم لحاجة طيب؟ https://t.co/ekPDqfk9jL
— حسين مهران (@TheAlexArch) February 19, 2023
وشاركه باهر: "الدولة قررت ماتعتمدش على الاستيراد وتركز على الإنتاج المحلي، وعلشان تتجنب جشع التجار قرروا إن الجيش بس هو اللي يصنع، يقوم القطاع الخاص يفلس، ونقفل الاستيراد علشان مافيش دولارات، فيقوم المعروض يقل، والأسعار تزيد والبضايع تنقص، فنرجع نستورد السلع اللي كان عندنا شبه اكتفاء ذاتي منها".
واقترحت رباب حلاً: "ممكن نرجع نزرع أرز بحلول تكنولوجية للمياه مثلاً، علشان السنة الجاية ما يكونش في نفس المشكلة".
ولم يتوقف الانتقاد بين المعارضين للدولة والنظام، لكن امتدت الشكوى إلى المؤيدين، كما كتب عمرو فهمي: "ياريس والله كدة مش هاينفع، بجد الأسعار نااااار وبجد بقينا مش عارفين نعمل إيه، يجب إقالة وزير التموين وقيادات الوزارة فوراً، وخلي الجيش يستلم الوزارة دي ويطهرها، ويشد على التجار، ومستوردين الأعلاف، ومضاربين الرز والزيت وغيرهم، اتصرف انت يا ريس، وانزل بنفسك شوف الناس، الناس تعبت".
ياريس والله كدة مش هينفع .. بجد الاسعار نااااار وبجد بقينا مش عارفين نعمل ايه .. يجب اقالة وزير التموين وقيادات الوزارة فورا وخلى الجيش يستلم الوزارة دى ويطهرها ويشد على التجار ومستوردين الاعلاف ومضاربين الرز والزيت وغيرهم .. اتصرف انت ياريس وانزل بنفسك شوف الناس ..الناس تعبت 😔
— عمرو فهمى (@AmrFahm51034920) February 17, 2023
وكذلك رغدة السعيد: "المشكلة مبقتش مشكلة أسعار فراخ و لحمة، ومش لازم ناكل لحمة كل يوم، واحنا داخلين على رمضان، المشكلة إن طبق السلطة جنب الرز والخضار السنة دي بِتَمن فرخة في رمضان اللي فات".
وعن أزمة زيادة أسعار كل السلع كتب الحقوقي، نجاد البرعي: "مش في الأرز فقط، فيه أزمة حقيقية، تحتاج رد حقيقي وخطه حقيقية، من حكومة تشعر أنها مسئولة أمام برلمان حقيقي".
مش في الارز فقط ...فيه ازمه حقيقيه تحتاج رد حقيقي وخطه حقيقيه من حكومه تشعر انها مسئوله امام برلمان حقيقي. https://t.co/UezC3fXVRn
— Negad El Borai (@negadelborai) February 18, 2023
تابع آخر أخبار العربي الجديد عبر Google News
