مرتضى منصور يفضح أجهزة وأذرع السيسي: "فيديو هيخلص عالكل"

وقال منصور في الفيديو: "أنا اتهددت بمسؤول كبير في الدولة، بقول للجهاز السيادي اللي ورا الوطن أنا قرفت وما بخافش هتعملوا فيا ايه؟ هتقتلوني أو هتلفقوا لي قضايا ما بخافش". وهدد مرتضى: "أنا عامل فيديو لولادي هيخلص على الكل".

وكانت مواقع عدة نشرت فيديو وثّق مشاجرة نشبت بين مرتضى منصور وعضوتين في "نادي الزمالك". وهدد فيه مرتضى باحتجاز إحداهما و"لو تدخل رئيس الجمهورية". وركزت صحيفة "الوطن" على الحادثة أكثر من الأذرع الإعلامية الأخرى، فادعت اعتداء المرأتين على منصور بالأحذية. 

وتفاعل ناشطون مع تصريحات مرتضى حول الجهاز السيادي وصحيفة "الوطن"، المعروفة بقربها من جهاز المخابرات العامة، وتهديده للنظام.

وتساءل محمد صلاح: "‏يعني مرتضى منصور بيقول أن الجهاز بيقتل ويلفق قضايا؟".

وقالت نجوى: "‏مرتضى منصور مش خايف من الجهاز اللي بيقتل ويلفق التهم! ايه الجهاز ده يا مورتا لا عيب ما تقولش كده احنا دولة القانون".

وتساءل أحمد المنسي: "‏‎‎#مرتضى_منصور.. منصور عامل فيديو بيقول الجهاز اللي ورا جريدة الوطن أنا مبخفش، هتقتلوني، هتلفقوا لي قضية، أنا عامل فيديو لولادي هيخلص ع الكل!! اتهام مباشر وصريح لأجهزة الدولة الأمنية بتلفيق القضايا والقتل خارج القانون، هل الدولة هتحقق معاه في هذا الكلام؟ أم أن الجهات السيادية هتخاف؟".

وتوقع حمدي عبد العزيز: "‏‎الكلام اللي هو قاله ده مش جعجعة ولا بق كدا في الهوى.. لا أدام اتجرأ وقال كدا يبقى هو ماسك مستندات أو تسجيلات على أجهزة كبيرة في الدولة لأنه هو أجبن من انه يطلع ويهرتل كدا الا إذا كان فعلا معاه المستندات دي.. أما نشوف الدولة هتعمل معاه ايه بعد اللي اتقال دة لأن كدا هبقى في غابة".

وطرح طارق عز سؤالا: "‏‎#يوم_الجمعة.. المستشار مرتضى منصور عامل فيديو بيقول الجهاز اللي ورا جريدة الوطن أنا مبخفش، هتقتلوني، هتلفقوا لي قضية، انا عامل فيديو لولاديِّ يخلص ع الكل.. اتهام مباشر وصريح لاجهزة الدولة الأمنية بتلفيق القضايا والقتل خارج القانون، يا ترى ايه اللي في الفيديو هيخليهم يسكتوا".

وكتب حسام الدين: "‏‎مش دي المشكلة.. الفيديو اللي عمله هو المشكلة.. بيهاجم جريدة الوطن وانها تحتمي في جهاز أمني يستطيع حسب كلامه.. القتل وتلفيق التهم ويقول مش خايف ومسجل فيديو يهد الدنيا على رؤس الجميع.. يعني فيه جهاز يهدد حياة وحرية المعارضين والجهاز لديه بلاوي مرتضى عامل بها فيديو لابتزاز الجهاز".

وسخرت نينو: "‏مش عارفة مين الجهاز اللي ورا الوطن اللي بيهدده مرتضى منصور بالفيديو اللي مع أولاده.. بس أتمنى السيد الجهاز ييجيبه هو وولاده وكل جزوره ويفضلنا العمارة بتاعة أحمد عرابي دى عشان لزماني".
ودشن ناشطون وسم "#مرتضى_يهين_نساء_مصر"، وطالبوا عبره بمحاكمته وحرمانه من ممارسة العمل العام.