غضب مصري من زيادة سعر تذكرة المترو... والأذرع تبرر: السيسي عمل الاشتراك
بعد ساعات من افتتاح الرئيس المصري عبد الفتاح السيسي للمرحلة الرابعة من خط المترو الثالث، أعلن وزير النقل والمواصلات كامل الوزير زيادة سعر التذكرة ما بين جنيهين وثلاثة جنيهات، ليعرب المصريون عن غضبهم عبر مواقع التواصل الاجتماعي، من النظام الذي يرفع تكلفة كل الخدمات من كهرباء وغاز ومياه، ويزيد من سوء حالتهم الاقتصادية.
ولجأت الأذرع الإعلامية للنظام للتطبيل، ومقارنة محطات المرحلة الجديدة بمترو فرنسا، والإسهاب بأهميته في ربط القاهرة بالعاصمة الإدارية، كتمهيد لتقبل الزيادة الجديدة، داعين المعترضين "شوفوا التذكرة في أوروبا بكام؟".
ووصل تطبيل الأذرع لادعاء استخراج السيسي اشتراكاً للمترو مدى الحياة، ليراقب سير العمل، كما قام بسداد ثمنه، وذلك حسب تصريحات كامل الوزير مع أحمد موسى على قناة "صدى البلد".
وعلى "تويتر"، سخرت فاطمة: "بتتكلموا في ايه ..انتوا عارفين سعر تذكرة #المترو كام في سويسرا ! #السيسي".
وتساءلت "بنت مصر": "طب السيساوية ردهم ايه على كلام السيسي وهو عمال بيزود في سعر تذكرة المترو والكهربا والمية وانبوبة الغاز عاملين فيها معيز وحاضر وطيب ونعم واللي تؤمر بيه يا فخامة الريس.. ايوة وبعدين يعني انتو قابلين على نفسكم تعيشوا معرضين احنا لأ .. بس خلاص".
مبروك يا جدعان، تذكرة المترو غليت تاني.
— Ahmed Farahat (@farahateg20) August 16, 2020
الغلبان في البلد دي مالوش مكان خلاص، احنا عمالين ننزل تحت خط الفقر، وهم عمالين يكنزوا ملايين.
لنا الله
وخاطب "البروفيسير" مؤيدي النظام: "وزير النقل يعلن رفع أسعار تذاكر خطوط المترو الـ3 بدءًا من الغد لتصبح 5 و7 و10 جنيهات وإلغاء تذكرة الـ3 جنيهات.. شبعتوا طبطبة يا معيز ولا لسة عايزين تانى يا ولاد شحيبر. #السيسي ".
ومع صورة السيسي وهو يشير إلى المواطنين من عربة المتر، غرد أحمد يحيى: "أهـي رفعة الأيـد دي زودت سعـر التذكـره 2 جنيه.. كـم أنت عظيـم يا بلحة. #تذكرة_المترو #السيسي_خربها_مستني_ايه #السيسي_الطاغوت_بيهدم_البيوت #السيسي_باع_مصر".
بينما قارن حساب "المتر الديموقراطي": "السيسي لا يرسل الذمة المالية لكن يدفع ثمن تذكرة المترو .. هو بيخالف المادة 145 من الدستور: يتعين على رئيس الجمهورية تقديم إقرار ذمة مالية عند توليه المنصب، وعند تركه، وفي نهاية كل عام، وينشر الإقرار في الجريدة الرسمية.. لكنه لم يرسل الذمة المالية".
طنط باكينام مسكت الموبايل وهي ممدده عالبيسين وكتبت انتوا عارفين سعر تذكرة المترو في لندن وباريس كام ولا لسة...
— Designer (@Eng_Mohammed00) August 16, 2020
وسخر سعيد النجار: "لما تكون رايح شغلك ومعاك علم مصر و #السيسي يعدي عليك في المترو بالصدفة".
وتساءلت فؤادة: "من ٢٠١٤ الي ٢٠٢٠ زيادة المترو ١٠ اضعاف .. هل زاد دخلك ١٠ أضعاف تلك الفترة.. على يد السيسي لم يعد المترو "مواصلة الغلابة".. من جنيه إلى 10 جنيهات رحلة غلاء مستمرة.
#قروض_الخراب_مش_انجازات".
وسخر حساب "الاكسلنس" من الأذرع: "#قروض_الخراب_مش_انجازات.. السيسي اشترى اشتراك المترو مدى الحياة ودفع تمنه، طيب السيسي هيشيل فلوس في جيبه ليه هيعدي يشتري فاكهة وهوا مروح مثلا ولا هيبعت جارد يجيبله علبه سجاير.. هبل احنا يا عصام".
وغرد أحمد النظامي: "فاكر كويس أوي رد فعل الناس عند أول زيادة لأسعار تذاكر المترو، بس بعدها أصبحت الزيادات عادة يومية، واكتسب الشعب المصرى تناحة عجيبة تجاه الزيادات دي برغم اننا نفضنا خلااااااص، عشان كدا السيسي بيؤمر بيها وهوا بيضحك ومنشكح كدا ...زوووود ما يهمكش".
بعد ما تذكرة #المترو وصلت 10 جنيه بفكر اقعد من الشغل واوفر الفلوس 😂😂 pic.twitter.com/wSXLfvsfHW
— Saif Eldin (@WQzfL6zB6E9Sa1v) August 16, 2020
عاجل | وزير النقل يعلن رفع أسعار تذاكر خطوط المترو الـ3 بدءًا من الغد لتصبح 5 و7 و10 جنيهات وإلغاء تذكرة الـ3 جنيهات 🤔 البسوا يا ماااسرييين عشان خارجيييين 😅 فين عبيد الببادة 😄 pic.twitter.com/eZY99UzjMk
— نور صبري (@Noor_sabri2019) August 16, 2020
هم الناس مالهم تخان كدة وبكرش يا كامل ..ارفع سعر تذكرة #المترو واللي معهوش يمشي احسن له ..😈
— fatma 🍓 (@frawlayh_toota3) August 16, 2020
الحركة بركة يا كامل 🤨 pic.twitter.com/BWVtDdGXyW
إلحق عرض كامل الوزير..تذكرة المترو للفسحة ب ١٠ ويابلاااااش ...الحكومة دى مسلية اوى والله، بس بتتسلى من جيوبنا https://t.co/faZiPNONzX
— AhmedNezamy (@AhmedANezamy) August 16, 2020
تابع آخر أخبار العربي الجديد عبر Google News
