جمهور عمرو دياب ينتقد أغنيته "الوطنية" الأخيرة

حالة من الهجوم طاولت المطرب المصري، عمرو دياب، بسبب الأغنية الجديدة التي أصدرها "أنا باعشقك يا مصر"، وهي من كلمات رئيس مجلس إدارة الهيئة العامة للترفيه في السعودية، تركي آل شيخ، وألحان روزام. الأغنية مدحتها لجان النظام الإلكترونية، بينما كان لباقي المتابعين وعشاق عمرو دياب رأي آخر.

وكتب حساب باسم القبطان: "مين ضحك على شوال الرز وفهمه إنه مؤلف أو شاعر، كلمات الأغنية بتفكرني بعادل إمام في فيلم مرجان أحمد مرجان، "الحلزونة يامه الحلزونة" وعمرو دياب يغني أغنية هابطة زي دي، المادة بالنسبة للفنانين أهم من الفن نفسه، حاجة مقرفة تركي آل شيخ ده!!؟".

وشارك عماد قائلاً: "تِحس إن عمرو دياب بيغني من غير نفس، كلمات ركيكة وتحس إنه غناها في ربع ساعة ع الماشي، وقبض القرشين وحط اسم تركي آل شيخ قبل اسم المغني، كله بتمنه يا بيه".

وتساءل أيمن: "هو ليه أنا حاسس إن #عمرو_دياب متكتف على كرسي كهرباء وهو بيغني الأغنية دي!!!!".

ووجّه حساب باسم محب الحكمة "نصيحة عمرو دياب إنت واجهة عالمية.. ميوزك أورد 7 مرات، معاك تيم على أعلى مستوى في العالم، بلاش تجامل حد وتغني كلام جرايد".

واختصر أحمد سالم "الله ينور يا عم بخ خلاص، أنت لو عايز تكرّهنا فمصر مش هتغني القرف ده".

وكذلك محمد الكامل "الأغنية اللي اتعاملت مجاملة من عمرو دياب، للشوال الكبير من أكبر أخطائه، ولا لحن ولا كلمات ولا ليها لازمة يا عمرو أصلاً، الكلمات مايكتبهاش عيل في 3 ابتدائي، واللحن معمول في خمس دقايق".

وشاركت منى أغنية عمرو دياب وتركي آل الشيخ، وكتبت: "حاجة زفت لعب عيال، لا الكلام حلو ولا لايق على اللحن، والكلام تافه مالهوش قيمة، الأغنية الوطنية لازم تكون قوية، تخلي قلبك بيرجف كده، مالكش حق يا هضبة في الأغنية دي، الأغنية دي يعملها مطرب جديد تحت بير السلم بالكتير، وتركي سيبك من حوار الكتابة ده خالص".