باسم يوسف للسيسي: "إنت مسؤول ولا ملكش لازمة"؟

توجّه الإعلامي المصري الساخر، باسم يوسف، للرئيس المصري عبدالفتاح السيسي، في منشور على صفحته الرسمية على "فيسبوك" سائلاً إياه "هل أنت مسؤول عمّا يحصل في البلد أم أنك غير مسؤول ومن فئة الجمهور؟".

وجاء تصريح يوسف، بعد إعلان السيسي أنه "سيُحقق التنمية الشاملة في البلاد عام 2063". 
وقال يوسف: "سيادة الرئيس طبيب الفلاسفة عبفتاح السيسي، أصل حاجة من الاتنين: يا اما انت مسؤول مسئولية كاملة عن اللي بيحصل في البلد، من بلطجة أمناء الشرطة لحبس كمية الناس المظلومين من ناس مالهاش ضهر، لشباب مالهمش ذنب، لكتاب وصحافيين مش المفروض يبقوا في السجن، لاقتصاد بايظ بسبب قرارات غبية، قلنا قبل كده انها غبية لناس بتطلع تهفلط واسمهم لواءات... لسياحة بايظة مرة عشان طيارة بتقع ومرة عشان سلاح طيرانك بيطلع يضرب سياح في الصحراء، للبوليس بتاعك بيقبض ويعذب  يقتل أجانب زي ما بيعذب المصريين في الأقسام... لجهاز إعلامي موجه وقذر، لخمسين حاجة تانية بتعبر عن الفشل والغباء والغشومية".

وأضاف يوسف: "يا اما انت مسؤول عن كل ده مسؤولية كاملة، يبقى انت كده صاحبي وحبيبي وكفاءة وعرفنا المسؤول مين، يا اما انت مش مسؤول خالص وانت زيك زيينا بتتفرج ومش فاهم حاجة ومالكش لازمة زينا بالظبط. وفي الحالة دي اهلًا بيك في صفوف الجماهير. تعالى بقى، ما تيجي، مش تبقى تيجي؟"

وردّ مستخدمو مواقع التواصل على يوسف ساخرين، فقال أحدهم: "جرا ايه يا باسم ما الراجل قالك كلها ٤٧سنه والدنيا تبقي زي الفل ولو محصلش اهو ميدان التحرير مقفول". وكتب آخر "انت خاين ياباسم وعاوز تعمل فوضي للنظام ياعم استنى لحد 2063 ولو الوضع ما اتحسنش يبقي ننزل نعمل مظاهرة".