وصرّح مدبولي، على هامش اجتماع مجلس المحافظين برئاسته، أمس الخميس، أن السيسي "وجّه بأن تكون واجهات المباني موحدة، بدلاً من المشهد غير الحضاري الذي يتمثل في وجود مبان كثيرة في مناطق مختلفة واجهاتها عارية فوق الطوب الأحمر"، داعياً المحافظين إلى البدء بتنفيذ التكليف الرئاسي على مراحل في مناطق محددة، مع متابعة دورية للوقوف على آخر المستجدات.
وعلقت نبيلة أنور: "ويبقى كده بنطبق المثل الشعبي اللي بيقول من بره هلا هلا، ومن جوه يعلم الله... طب شوف جوه الأول، وخلي الناس سواسية في الحقوق والحياة الكريمة"، ما أيده هاني شنب قائلاً: "هي الناس لاقية تأكل لما تدهن واجهة البيت... كانوا دهنوه من الداخل الأول، أو جابوا بطانية تحميهم من البرد، بدل ما بيولعوا في خشب طوال الليل!".
وكتب محمد يونس: "طب ما توفروا فلوس الطلاء، وصلحوا الشوارع والصرف الصحي... يرضيك تطلي المباني، وشوية مطر يخلوا الشوارع زفت". وكتبت دينا حسام "أهم حاجة نطلي واجهات المباني علشان المنظر الخارجي، ومش مهم ندخل الصرف الصحي والمياه إلى المنازل نفسها". واتفقت معها حياة بدوي: "كل محافظة نعملها لون، علشان وهو (السيسي) فوق بالطيارة يعرف يحدد كل محافظة من لونها!".
وغرّد شحته سليم: "دي سبوبة، والناس هاتحاسب عليها بالضعف... وبكرة نشوف ده إجباري، وأنت (المواطن) اللي هاتحاسب برضوا"، ما أكده عبد الله إسماعيل قائلاً: "أكيد في سبوبة من الدهانات".
وقال عبد الله ميجو: "والنبي ياجدعان، حد يقوله (السيسي) إن في ناس مش لاقية تأكل... الله يخرب بيت اليوم اللي شوفناك فيه". وقال محمود عزام: "سي عبده بيحب الشياكة، والمناظر الحلوة... لونوا بيتكم من فضلكم علشان خاطر مصر، ولا عاوزين مصر تأخذ على خاطرها".
بدوره، علّق محمد عبد العزيز شعيب: "أصل الناس معاها فلوس فائضة من دروس العيال والمواصلات والعلاج، وطلبات البيت اللي مالهاش نهاية، علشان تلون البيت من بره... أنتوا لو كلفتوا نفسكم، ودخلتو البيت من جوه، هاتلاقوه محتاج محارة من جديد... وهما موفرين فلوسه للعيشة والأكل والشرب... حرام كده بجد، ارحموا من في الأرض، يرحمكم من في السماء".
وقالت عزة عبد المنعم مستنكرة: "طلاء المباني؟ طب نسفلت الأرض الأول اللي شكلنا هانموت من غير ما نشوف منطقتنا متسفلتة (ممهدة) زي البني آدمين". وتساءلت حنان فتحي: "ومنين بقا الفلوس علشان نبيض العمارة، ده إحنا خرجنا من دروس الثانوية العامة، طلعنا إلى دروس الجامعة... ده غير الأكل والشرب، وباقي مصاريف الشهر... بالراحة علينا شوية يا بلد".
وكان المتحدث باسم وزارة التنمية المحلية خالد قاسم، قال في تصريحات إعلامية إن "قرار الرئيس السيسي بطلاء المنازل، وعدم تركها على الطوب الأحمر، يعني أن يتكفل أصحابها بتكاليف الطلاء، لا الحكومة"، مضيفاً أنها منازل خاصة، وليست ملكاً للدولة، وكل محافظة سيكون لها لون خاص. وأضاف: "عاوزين يبقى في تحضر في البلد، ونتابع بشكل دوري أعمال الدهانات".