مصريون عن خطة تحريك أسعار المواصلات: اسم الدلع للزيادة

كشف رئيس هيئة النقل العام بالقاهرة، اللواء رزق علي مصطفى، عن تقديمه دراسة لتقليل الدعم عن المواصلات العامة بمصر خلال 3 سنوات، تبدأ بتحريك قيمة التذكرة. وبحسب تصريحه تقدّر تكلفة التذكرة بحوالي 8 جنيهات لكنها تباع للجمهور بالنصف. 

وقوبلت الزيادة المتوقعة بغضب من المصريين على مواقع التواصل الاجتماعي، خاصة مع زيادة أسعار الكهرباء بالأمس.

وكتب حساب من وحي اللحظة: "‏اسم الدلع لرفع الأسعار في عصور الظلم هو تحريك الأسعار.. طبعاً ده استغفال للشعب الطيب!!".

وعلقت مريم: ‏"ما تخصموا من مرتباتكم الفلكية تمن تذكره الأتوبيس اللي حرقاكم قوي، ما تدرسوا تحريك وخفض مرتباتكم الباهظة للنص، قرفتونا الرحمة بقى مش كفايه الكورونا".

وعلّق "مصري وأفتخر": ‏‎"جملة "تحريك الأسعار" أصبحت مبتذلة". 

وسخر حساب باسم البطريق: "‏حكومة مصر رفعت امبارح سعر فاتورة الكهرباء، وحايرفعوا تذكرة الاوتوبيس في زمن الكورونا، اللي الناس أصلا مابتشغلش ومش لاقيه تاكل.. فعلاً توقيت ممتاز". 

وشاركت سامية بعدة تساؤلات: ‏"حسبي الله ونعم الوكيل، رئيس هيئة نقل القاهرة، إعداد دراسة لتحريك أسعار المواصلات، هو وقته ياناس؟ دي الناس بتكح تراب، هو في شغل أصلا؟ الناس كفرت من البلد دي والله، كرهونا في البلد منكم لله، ربنا ينتقم منكم ياظلمة، زياده كهربا وبعدها المواصلات ولسه، ده المفروض السنة دي استثنائية". 

واستكملت لوجي: "‏‎هو فيه إيه بجد؟ ما يرشوا غاز سام على البلد ويرتاحوا، حسبي الله ونعم الوكيل". 

واستنكر أسامة السيد فكتب: "‏‎وهو فين الدعم اللي على الأتوبيسات ده!! أقل تذكرة 5 جنية!"،  ولخص إسلام: ‏"اجهزوا موسم الصب بدأ، #اغضب_يا_مصري".