مصريون يردون على تصريحات السيسي: 6 سنين من الوعود الكاذبة

تفقّد الرئيس المصري، عبد الفتاح السيسي، صباح اليوم الثلاثاء، عناصر القوات المسلحة المخصصة لمكافحة انتشار فيروس كورونا، وأطلق مجموعة من التصريحات وضعته مجدداً على منصة التقييم على مواقع التواصل الاجتماعي.

وفي معرض تصريحاته تساءل السيسي: "إيه الوعد اللي قلته ومنفذتهوش على مدار 6 سنين؟".

فأجاب نديم: "ملناش طمع في حكم مصر، مش هسمح إنه يتقال الجيش اتحرك لمصالح شخصية، مش هرفع الدعم إلا أما أغني الفقير، اصبروا سنتين، كمان سنتين، اصبروا 6 شهور، مفيش تعديل للدستور، هعمل لكم شبكة طرق تمسك مصر كده في سنة، هستصلح مليون ونص فدان، هعمل مليون شقة في سنتين، نكمل ولا كفاية يا بلحة؟".

وكشف السيسي: "أوقات بانزل من غير حراسة، ومن غير صفه رسمية ساعات بانزل لوحدي أشوف الدنيا ماشية إزاي في الشارع في الوقت اللي ما فيهوش حظر".

وهو التصريح الذي حظي بتفاعلات كثيرة وسخرية كبيرة.

كتب تامر: "‏لو راكب مواصلة ولقيت حد راكب ورا، ومغطي وشه وعامل نفسه نايم، إوعى تصحيه يدفع الأجرة ده السيسي بس متنكر، إدفعله إنت".

وشارك عسل إسود بصورة للسيسي: "‏بلحة بيقولك أنا بنزل لوحدي، ومن غير كمامة، فعلاً والصورة أكبر دليل على صدق كلامه".

وأضاف عطا المراكبي: ‏"الريس بانزل بنفسي وباشوف المصريين من غير كمامات، طب وفرها مش لينا، للأطباء يا ريس السيسي".

واستكمل خولي: "‏أول مرة أشوف واحد بيخاطب شعبه إنت فقير قوي، وفي نفس الوقت برضه بيخاطب شعبه على مساعدات لدول أخرى، شفتوا بقى ‎السيسي".

وبصورة لشبيه علقت آن جرجس: "‏السيسي: أوقات بانزل من غير حراسة ومن غير صفه رسمية، يبقى هو.. الشك كان هيموتنا يا جدعان وادينا اتأكدنا".

ومستنكراً علّق خلفاوي: "‏تخيل إن ده نفس الشخص اللى بيخاف يقف وحده حتى وسط الجيش، ولازم الحرس الشخصي يبقى معاه، بيقولك بانزل وحدي!".

وقال السيسي: "حجم الضرر الناجم عن التوقف بسبب فيروس كورونا "أكبر بكتير" من حجم الضرر الناجم عن الإصابة". فعلّق عمرو: "‏هو شايف إن الضرر من الإصابة هايكون أرواح، لكن الضرر من التوقف هايكون فلوس، وهو مش هايفكر مرتين في الخيار بين الاتنين، الموضوع عنده محسوم لصالح الفلوس".

‏وعن تصريح السيسي: "سنوزع كمامات مجاناً على المواطنين إذا تطلب الأمر"، كتب إسلام: "‏إذا تطلب الأمر؟!! إنت هاتوزع عليهم كمامات بعد ما يجيلهم إصابة؟".

ولم ينسَ السيسي الحديث الصريح والمبطن عن جماعة الإخوان المسلمين فعلق مراد: "‏حتى مع وجود جائحة كورونا، السيسي يصر على جرّنا خلفه لمعركة وهمية بينه وبين جماعة الإخوان.. الناس قرفت خلاص ومش فارق معاها هذه الادعاءات.. لم يعد أحد يصدق، وفشلك يدفع ثمنه الشعب الآن اللي لا فارق معاه الإخوان ولا غير الإخوان، لكن يفرق معه حقه في الحياة".

وأضاف سلامة: "السيسي يقول أثناء تفقده استعدادات الجيش لكورونا، إن المواجهة مع الفصيل الشرير لن تنتهي، معتبراً أنه لا مجال لوجودهم بين المصريين وإلا ستعود الأزمات بشكل أكبر، أنا فهمت معنى الكلام ده إنه يرفض دعوات الإفراج عن المساجين، إن كان فهمى غلط حد يصحح".

في اللقاء صرّح وزير الدفاع مطمئناً المصريين: "القوات المسلحة قادرة على مواجهة تحديات كورونا"، فاستهجن مهاجر وكتب: "‏هانثبته يعني؟! دا مرض محتاج فرق طبية وتمريض مش غباوة.. الغباوة والهبد ماينفعوش في ده، محتاجين ناس بتفهم".