تعليقات ساخرة من الإلزام بتحية العلم في الجامعات المصرية

مستعيداً الأجواء المدرسية، علّق عمرو "‏طلاب جامعة الزقازيق بيحيوا العلم... وبعدها فرقة الموسيقى تعزف: يا أغلى اسم في الوجود... ويروحوا على فصولهم".

وعلقت الصحافية رشا عزب ‏"واحنا في الجامعة لو حد قالنا اعملوا تحية العلم كنا هنعمل تحية تانية خالص الحقيقة... ايه عقلية دولة موسوليني المعفنة دي".

وكتب معتز عادل: "قال يحيوا العلم قال، طيب وقفلي كده طالب من دول أسئلة إيه نوع الطائر اللي على العلم وآخر مرة تم تغيير العلم والألوان دي بتعبر عن ايه، وشرف أمك يا سيادة الوزير ما هيعرف".

وكطالب تساءل محمد حجازي "‏هو أنا لو اتاخرت ع تحية العلم في الجامعة الصبح مش هيدخلوني الجامعة".

وسخرت ندا عبدالعزيز مغردة ‏"تقريبا الوزير فاكر إن تحية العلم هي اللي هتعالج وتصلح منظومة التعليم الفاشلة اللى بيديرها".

وقال مغرد آخر "‏الوطنية بتزيد لما الشخص بيحس إن بلده بترعاه وتقدم له خدمات، لما يحس إنه صاحب قرار في مصيرها مش بالنشيد وتحية العلم إطلاقا!".

وغرد جبريل "‏الحمد لله الواحد اتخرج بكرامته".