المصريون يسخرون من الحكومة: كفاية صب في مصلحتنا

العبارة أثارت اهتمام رواد مواقع التواصل فأشبعوها نقداً وسخرية، إذ علقت جو على ارتفاع أسعار المياه ‏"رفعوا أسعار الميه 50 %... ليه بقى! مصلحة المواطن بقالها أسبوع متصبش فيها".

وكتبت شيماء محمد ‏"#بعد_الدعم_فاضل_ايه، يا جماعة القرارات دي بتصب في مصلحة المواطن بس أنتم اللي مش عارفين دي حاجات لو عرفتوها تبقوا عزمي ولميس وموسى وبقري وحساسين".

وتخيل أحمد عبدالعال حواراً بين الحكومة والمواطن: "‏الحكومة والمواطن، الحكومة: القرارات الاقتصادية تصب في مصلحة المواطن. المواطن: ممكن تصبي في حتة تانية علشان مصلحتي وجعتني!؟".

وغرّد آخر "‏القابضة للمياه: زيادة الأسعار تصب في مصلحة المواطنين، والله أنا مش عايز مصلحتي اللي عاوزين تصبوا فيها دي".

وعلقت نوسة "‏المصلحة اتخرمت يا بيه من كتر اللي بيتصب فيها... هاتوا لنا مصلحة جديدة، أو ركبوا لها جلدة".

وكتب صاحب حساب "بياع مخلل": "‏#بعد_الدعم_فاضل_ايه، #غلاء المياه، المصلحة ديه لو مصلحة ميت مش هيصبوا فيها كل الصب ده، بقت اد الدنيا".

وتساءلت ساندي ‏"هي مصلحة المواطن دي ما لهاش أهل يسألوا عليها؟".

وغرد الصحافي أحمد حربية "‏في مصلحة المواطن، في مواطن المصلحة، المواطن في المصلحة، المصلحة في المصلحة... إلخ".