تجاوزت أغنية محمد رمضان "هما عايزينها فوضى" مليون مشاهدة على "يوتيوب"، بعد أقل من يوم على نشرها. وكان الفنان المصري قد وعد جمهوره من مؤيدي الرئيس المصري عبد الفتاح السيسي بذلك، وقوبلت الأغنية بمديح من أذرع النظام الإلكترونية على مواقع التواصل الاجتماعي، في مقابل نقد لاذع كشف التنقاضات التي وقع فيها رمضان في أغنيته.
وكتب شادي سرور "عجبني قوي محمد رمضان وهو بيقول تعرف إيه عن الطفل الصغير، اللي بيصرف علي البيت وانت مسافر برا قاعد في الكباريه، المصيبة إن لسه شايف له فيديو هو بنفسه في كباريه في الجونة" وتابع: "إصحوا يا شعب مصر وفرقوا الحق من الباطل".
وأشار عمار إلى غياب المنطق: "محمد رمضان بيعاير محمد علي، بإنه بيروح كابريهات ويرقص والبنات حواليه.. وفيفي عبده بتشتمه بيا بتاع الرقصات والغوازي.. تعرفي إيه يا مصر عن المنطق!".
وقال إبراهيم وائل "17 ألف عدم إعجاب بفيديو محمد رمضان -ملحوظه الطفل الصغير اللي بيصرف علي البيت، إحنا نازلين علشان يتفرغ لتعليمه ويبقي أبوه معاه، اللي يعيشه وميتمرمطش ويبقي ليه دعم كامل من الدولة، لحد مرحله معينه أو سن معين، عرفت إنه لازم يمشي يا محمد رمضان، جيت تكحلها عمتها".
وسخر عبد شيكو: "محمد رمضان تحس إن الأغنية كلمات أحمد موسى والحان عمرو أديب". فيما شارك أحمد شوقي متابعيه بمقطع مصور سابق لمحمد رمضان، يصرح فيه أن رئيس مصر هو خادم للشعب معلقا: "محمد رمضان قبل الفلوس #الجمعه_الجايه".
وعلقت حنان: "#انت_انتهيت_ياسيسي حقيقى النظام ده غبي بجدارة وامتياز، جايب فيفى عبده تقول ومحمد رمضان يابتاع الكباريهات، وجايبن فلوكس والعوضي عشان يقولو إنت مش راجل، وجايبن محمد رمضان يعمل لمحمد علي أغنية، كل ده مش هايمنع إرادة الله، تانى حاجة محمد علي علم عليكم جامد، نظام خايف من شخص".
وتساءل إسلام: "السؤال بس محمد رمضان ليه ف أغنية عايزنها فوضى قافل التعليقات؟ عشان عارف إن هو هايتمسح بيه الأرض فيها #انت_انتهيت_ياسيسي#محمد_رمضان".
وأبدى موحا تفاؤلا: "#انت_انتهيت_ياسيسي لا هو مادامت مدام فيفيي عبده شتمت، و محمد رمضان غنى، و محمد فؤاد هاينزل يدعم سيات الريس، نطمن كلنا إن #انت_انتهيت_ياسيسي".
تابع آخر أخبار العربي الجديد عبر Google News
