يوم مصري طويل: #حسني_مبارك_براءة و#المترو_هيغلى_ليه؟ و#ارحل_يا_سفيه

"#حسني_مبارك_براءة، و #المترو_هيغلي_ليه، و #ارحل_يا_سفيه"، هذه حصيلة يوم من أيام مصر على مواقع التواصل الاجتماعي.

الرئيس الذي ثار عليه المصريون منذ ست سنوات ونصف، حر طليق في منزله الفاخر، مشهد لم يستطع رواد التواصل تجاهله، وتناولوه بأكثر من وسم، مثل #مبارك و#حسني_مبارك_براءة.

ولخصت شيماء الصورة بقولها "‏مبارك في بيته والثوار في السجن"، وغرد الإعلامي جمال ريان بمرارة: "‏مبارك الدكتاتور حر طليق ومرسي الرئيس الشرعي أسير مقيد  =  قمة الفساد والظلم والعربدة العسكرية والسادية الدكتاتورية السيسي #مصر".

وسخر أكثر من حساب مما حدث لمبارك "‏مبارك أكثر المستفيدين من الثورة، فلوسه اتجمدت والدولار بـ7 جنيه، واستردها والدولار بـ20 جنيه، يعني ثروته زادت 3 أضعاف، منوفي منوفي، #ارحل_يا_سفيه"، وتخيل حمدي مبارك وهو يتابع أحوال المصريين: "عن كمية الشتيمة والسب اللي هناخدها من مبارك لما يتفرج على الفضائيات ويتابع الدوري ويشوف علاقة مصر مع العالم ولما تجيله فاتورة الكهربا".

وكتب ثروت نافع "مبارك في منزله، ونحن في المنفى! مشهد يعبر عن واقع بغيض، ومشاعر يعجز اللسان عن وصفها!!"، ولمح عامر للسيسي قائلا: "العالم مستغرب إن حسني مبارك قتل ألف متظاهر ثم عاد إلى قصره بريئاً. عادي. في واحد قتل نصف مليون ولسه قاعد في قصره".

لكن براءة مبارك لم تُنسِ المصريين، مضاعفة سعر تذكرة المترو، الأمر الذي شهد تفاعلاً كبيراً في أول تطبيق للزيادة، وتربع وسم #المترو_يغلى_ليه على قمة قائمة الأكثر تداولا معظم اليوم، بالإضافة لوسم مسيء للسيسي نفسه، الذي حمله الناشطون وزر الزيادة.

وبين مبارك والسيسي غرد ناشطون: "مبارك أنشأ المترو والسيسي زود تذكرته" ، في حين غرد أسامة: "‏#المترو_هيغلى_ليه؟ علشان السيساوية معاهم 2 جنيه، وحرامية البلد يهمهم المترو في ايه، ملعون أبوكي يا بلد بتذلي الغلابة، والحرامي تقوليله يا بيه".

كما سخر حمادة: "‏#المترو_هيغلى_ليه؟ مش مهم يا نصه المهم يبقى شرح كده ومتهوي"، وعللت علا موافي الزيادة بقولها: "‏#المترو_هيغلى_ليه؟ عشان نسيبلهم البلد". وبررها محمد: "#المترو_هيغلى_ليه؟ علشان المنظومة الفاسدة عاوزة كده"، وسخر "أبو الخلود" من نظرية بص العصفورة: "#المترو_هيغلى_ليه؟ لما تيجي الحتة بتاعت التفجير اللي هيحصل بكرة ده ابقوا صحوني يا جماعة علشان ليا فترة ما شوفتهاش".

ثم وجد رواد المواقع، حديقتهم الخلفية، منصات التواصل للتنفيس عن غضبهم، بوسم #ارحل_يا_سفيه، فوصل لقائمة الأكثر تداولاً "الترند". فأحمد عبده قال بسخرية: "‏#ارحل_ياسفيه، _ خف علينا شويه يا ريس إحنا بقينا ع الحديدة _ لو سمحتوا أنا عاوز الحديدة دي؟"، وغردت جاسمين فوزي: "‏#ارحل_يا_سفيه، في الوقت اللي بلحة رفع أسعار الكهربا، وتذكرة المترو ع المواطن الغلبان، تم رفع حافز الأمن العام للضباط والافراد، ماهي عزبة أبوهم".

أما على حساب "زهرة الثورات العربية"، فجاء "‏انتظام حركة المترو بشكل طبيعي بعد تطبيق التعريفة الجديدة بـ2 جنيه للتذكرة، الشعب ده طيب أوي،  ياخد القلم ويعدل وشه ياخد التاني، #ارحل_يا_سفيه"، وتساءل أحمد: "نقطة. ماذا فعل المصريون ليستحقوا كل هذا الشقاء والوجع ؟! #ارحل_ياسفيه".

وغردت إحداهن "العيشة بقت ضنك ... من يوم ما رضينا وسكتنا على الدم الحرام .. ولحد ما حق الشهدا يجي ويتم القصاص #ارحل_ياسفيه"، وقالت ياسمين: "الدم المصري مهدر جوه وبره، اللي ملهوش كرامة في بلده، ملهوش كرامة في بلاد تانية #ارحل_ياسفيه".