مصريون يعدّدون إنجازات السيسي: "ناس تتحرق وتترمي من القطر​"

ردّ المصريون عبر مواقع التواصل الاجتماعي على تصريحات أطلقها الرئيس عبد الفتاح السيسي أثناء افتتاح مشاريع، منها مصنع الغازات الطبية والصناعية، والتجديدات في المصنع التابع لشركة "النصر للكيماويات الوسيطة".

وقال السيسي، اليوم الخميس: "هنفضل نفتتح المشاريع ونعمل إنجازات، واللي هيزعل يتفلق، وعلى الدولة التصدي لحرب الشائعات"، وهو ما أثار غضب المغردين المصريين وسخريتهم.

علّق أحد المغردين بصورة إحدى الطرق التي شيّدتها الهيئة الهندسية للقوات المسلحة: "#السيسي: هنفتتح المشاريع بسرعة، واللي يزعل مننا يتفلق، وبيني وبينكم النائب العام والبرلمان".

وكتب حسام الشوربجي: "#السيسي بيقول هانفتح مشاريعنا واللي يزعل يتفلق!! من الآخر كده إحنا هانعمل قصور واستراحات وكباري بتقع وطرق بتنهار بفلوسكم، ومحدش يفتح بقه وطبعًا اللي مش عاجبه الكلام، معروف آخرته طلقة أو حبس انفرادي، ولو اتفقرت ومعاكش فلوس تجيب تذكرة القطار هاتترمي منه، هذه هي #مصر السيسي يا سادة".

كما قال السيسي: "اوعوا حد يأثر أبدا عليكم... إحنا بنتقدم وهنتقدم"، فرد محمد سيد ساخراً "دي على وزن أيوه بنيت وهابني... حد يصحّيه يقوله الدين الخارجي بيبرطع في عهده #السيسي".

وشارك علاء دياب: "كفاية إنجاز صراحة، هانروح فين تاني! دا اللي شفناه من مشاهد ناس بتتحرق وتتكهرب وتترمي من القطر، وبنات تتسحل وسط الشارع، عمرنا ما كنا نتخيّل نشوفه، الواقع غلب المشاهد السينمائي من كتر البؤس اللي بقينا فيه، بسبب هذا الكائن الذي لا وصف له #السيسي_كداب_وفاشل".

وعن طرح شركات القوات المسلحة في البورصة، كتب مجدي سعيد: "هناك خبر إن السيسي سيطرح مؤسسات الجيش الاقتصادية للاكتتاب، لو الخبر صحيح فهذا معناه إن السيسي وأولاده والجنرالات والقضاة والشرطة وأولادهم، هم من سيشترون الحصة الأكبر بملاليم، يعني من الآخر كده السيسي يحوّل ملكية مؤسسات الجيش، التي تساوي تريليونات إلى العائلات المتنفذة شركائه في الحكم".

وبشأن التصريح نفسه تساءل كرم أبو النجا: "#السيسي إذا تقصد القوات المسلحة المصرية، فهي وشركاتها ملك الشعب المصري، ولا تقصد لدولة أخرى؟ إحنا بنسأل بس".

وصرح السيسي: "عمل القوات المسلحة ليس على حساب القطاع الخاص أو المدني"، فسخرت صاحبة حساب "نور هانم": "على يدي.. الجيش معفي من الضرايب والتراخيص والمرافق، وقاعد هنا والمصانع طالع عينها وقاعدة هنا، واحنا الغلابة على نغمة واحدة ماخدوش يا بابا #السيسي_كداب_وفاشل".

وكتب صاحب حساب "قلم رصاص": "#السيسي_كداب_وفاشل من أقوال الفاشل السيسي، بيقول مصر تحارب أقوى تنظيم سري في القرنين الماضيين، سري مين يا موكوس يا فاشل، ده بيقولك اسمنا الدولة الإسلامية، واحنا قاعدين في ولاية سينا، وبيعملوا كماين في عز الضهر، وبيقبضوا على رجالتك وبيصوروا عملياتهم، ويمنتجوها ويرفعوها لك بجودة عالية".

وشاركت نسمة الورد: "#السيسي يا أهل مصر الكرام: اقفوا بجانب أهل بلادكو، يقصد مين بأهل بلادنا؟ أهل بلادنا اللي زي رئيس القطار اللي رمى الشباب من القطر؟ ولا أهل بلدنا الشباب اللي نطوا عشان مايتقبضش عليهم؟ لازم يحدد، ربنا بينا وبين كل ظالم وياخد حق كل مظلوم، وينتقم من كل ظالم".