هجوم على الممثل المصري بيومي فؤاد بسبب تخريبه لوحة فنية نادرة
صفية عامر
تعرض الممثل المصري شريف منير، وضيفي برنامجه "أنا وبنتي"، الممثل بيومي فؤاد والممثلة ليلى عز العرب، لهجوم كبير، بعد إعادة نشر مقطع فيديو قديم، يكشف فيه بيومي عن تسببه بتخريب لوحة فنية نادرة.
وبحسب بيومي فؤاد، فإنه تسبب بتخريب اللوحة لجهله بأساسيات الترميم، وذلك أثناء عمله رئيساً لقسم ترميم اللوحات الفنية في قطاع الفنون التشكيلية في وزارة الثقافة، ورئيساً لقسم حماية الملكية الفكرية.
وقال بيومي فؤاد: "في يوم بنرمم اللوحات، جت لوحة جايبة مصفرة صممت تدخل عندنا، محاليل وأحواض وحاجات سائلة، ومياه نغسلها الأول علشان تطلع، وكل الولاد تحت إيدي قالولي ما تستحملش، عارف أنت ساعات بتاخدنا الجلالة، نزل يا بني اللوحة إنت جديد ولا إيه. وفي بنات واقفة أستاذ بيومي حضرتك مش ها تستحمل وبعدين حط اللوحة، وحشتنا اللوحة، دابت بقى".
المقطع تسبب في فتح ملف اختفاء المخطوطات وسرقتها، وكذلك التهاون في إدراك أهميتها والحفاظ عليها، إذ كتبت نرمين: "الفيديو دا محزن لدرجة رهيبة، الفنانين وهم بيضحكوا بهستيريا على موقف إن حد منهم أفسد حاجة لا تقدر بثمن، شكلهم مجنون ومرعب ومفزع، والموظف المحترم الجاهل ما تحاسبش طبعاً".
الفيديو دا محزن لدرجة رهيبة.. الفنانين وهم بيضحكوا بهستيريا على موقف ان حد منهم افسد حاجة لا تقدر بثمن شكلهم مجنون ومرعب ومفزع.. والموظف المحترم الجاهل ماتحاسبش طبعا https://t.co/EK4KlwTD9r
— Nermeen (@Nermbed) December 22, 2022
وتساءلت داليا: "المسخرة كمان إن ليلى عز العرب وشريف منير، اللي مسخسين بالقعدة ضحك على اللوحة الأثرية اللي اتدمرت، هما من أكتر الناس اللي بيزايدوا على الخلق بوطنيتهم".
المسخرة كمان ان ليلى عز العرب وشريف منير الي مسخسين فالقعدة ضحك عل اللوحة الاثرية الي اتدمرت هما من اكتر الناس الي بيزايدوا عل الخلق بوطنيتهم
— Dolce© (@Dolcikka) December 22, 2022
وعلّق عمرو: "أنا اللي مضايقني فعلاً شريف منير اللي كل ما يتقمص يجري يتصور جانب علم مصر، وهو قاعد ما واحد بيحكي كارثة عملها في تاريخ مصر".
انا اللي مضايقني فعلا شريف منير اللي كل مايتقمص يجري يتصور جانب علم مصر وهو قاعد ما واحد بيحكي كارثة عملها في تاريخ مصر 🤷🏻♂️ https://t.co/R4bT3q0kaH
— 🇦🇪عَ ـمِوِريّ🇪🇬 ™ (@amr_amori) December 22, 2022
تابع آخر أخبار العربي الجديد عبر Google News
