مغردون للسيسي: #أنا_ضدك_علشان قاتل وفاشل وخليت الجيش "سيات"

تصدر وسم #أنا_ضدك_علشان قائمة الأكثر تداولاً في مصر، بعدما دشنه رواد مواقع التواصل الاجتماعي لشرح حيثيات معارضتهم الرئيس عبد الفتاح السيسي.

وتغلب الوسم على وسوم الكتائب الإلكترونية، مثل #شكرا_يا_بطل، الذي حاولت فيه الربط بين السيسي وحرب أكتوبر، ولم يصمد بدوره في قائمة الأكثر تداولاً طويلاً، وهاجم ناشطون السيسي من خلاله، على إثر تصريحاته الأخيرة عن حرب أكتوبر.

غرد نور شارحا أسباب معارضته للسيسي: "‏‎#انا_ضدك_عشان.. عشان بعد الكوارث اللي احنا فيها لسة بتصدق اللي بيضحك عليك ويقول لك حتستغرب بعد سنتين هي بقت كده ازاي وبعدين أصبر معايا 6 شهور وبعدين مصر حتبقى حاجة تانية 2022 وانت زي الأهبل بتصدق.. الدنيا قبل ما تمطر بتغيم والليلة السودا بتبان من الصبح.. راجع خطابات عبد الناصر هي هي".

وكتب طلبة: "‏استنى اكتب عندك.. عشان قتلت الشباب في ميدان رابعة والنهضة.. عشان اعتقلت كل المعارضين ليك.. عشان بعت تيران وصنافير.. عشان بعت قضية فلسطين وحطيت ايدك في ايد اسرائيل.. عشان خلال 2020 هتكون البلد اتباعت. #انا_ضدك_عشان".

وذكر حساب "ميدان رابعة العدوية" بتصريحات لمؤيدي النظام: "‏‏فاروق المقرحي وهو يقول الدولار هيبقا 7 جنيه نهاية عام 2017 .. سلملي على خيبتك التقيلة. #تصريحات_بلحاوية #أنا_ضدك_عشان".

وعن التعليم قالت نور: "‏رقم قياسي مصري 130 تلميذًا داخل فصل واحد في البحيرة -
المهم نبني العاصمة الجديدة في زمن قياسي. ‎#انا_ضدك_عشان".

وبسبب تصريحاته عن أكتوبر قالت سمرا رشدي: "‏من العين بالعين والسن بالسن والرصاصة لا تزال في جيبي .. لعربية سيات جنب مرسيدس والدفاع عن الأرض بقى انتحار والعدو بقى خصم .. شوفتوا مصر؟! #انا_ضدك_عشان⁩".

وعن نفس التصريح كتب عمرو: "#انا_ضدك_عشان خليت الجيش زي العربية السيات".
وعدد أحمد: "‏- بنيت أكتر من 20 سجن منذ انقلابك ولم تبني جامعة واحدة - انقلبت على الديمقراطية ونفذت أكثر من مذبحة لتتقلد كرسي الحكم - كل خيرات البلد ذهبت للجيش والحاشية الفاسدة وقضيت على الشركات الخاصة - سجنت ثروة البلد من العلماء - قولت هتبقى قد الدنيا وخليتها شبه دولة. #انا_ضدك_عشان".

وغرد محمد عنتر: "‏‎#انا_ضدك_عشان بعت تيران وصنافير أرض بلدك الي جبوها الرجال بدمهم مقابل شوية فلوس عشان تعمل بيهم شويه كباري للشعب عشان يقولوا عليك رئيس كويس والناس تفتكرك، غلطان والله الناس مش هتفتكر غير بيعك للبلد".

وطالب "علمدار": "‏اتعمل هاشتاجات كثير ومنها اخد ترند ومنها اللى استمر ترند لأيام ممكن أعرف ايه النتيجة .. الشارع الآن محتقن وعايز اللى يحركه لازم نشتغل على الأرض مش على التويتر.. لازم نخلى ‎#الشارع_يرجع_لينا ولا أنا كلامي غلط. ‎#انا_ضدك_عشان".
ولخص مصطفى بدر: "‏‎#انا_ضدك_عشان انت ضدنا.!".