مصر: #قاطعوا_شركات_المحمول التابعة للجيش وارجعوا لعيالكم

بعد يوم على قرار "الجهاز القومي للاتصالات" المصري بزيادة قيمة بطاقات شحن الهواتف المحمولة بنسبة تصل إلى 35 في المائة، دشن رواد موقع التواصل الاجتماعي وسمي "#قاطعوا_شركات_المحمول" و"#قاطعوا_شركات_الاتصالات"، في محاولة لإجبارها على التراجع عن الزيادة.

وحمّل الناشطون "الشركة المصرية للاتصالات" مسؤولية الزيادة، علماً أنها دخلت أخيراً كشركة رابعة مزودة للخدمة وانتشرت أخبار عن ارتباطها بالجيش المصري.

وكان لافتاً مشاركة حسابات مؤيدة للنظام الحالي برئاسة، عبدالفتاح السيسي، في الدعوة إلى المقاطعة والشكوة من الزيادة.

حساب "الثورة حرة" نشر شعار الشركة الرابعة، وعلق "‏شبكة الجيش: يا حلو بانت لبتك، #قاطعوا_شركات_المحمول". ورد عليه عادل ساخراً "دول غلابة خليهم ياكلو عيش، عندهم مسؤوليات كتير مش زينا".

وسخرت هند عبر حوار مفترض "وخط الجيش حلو يا عماد = ده خير خطوط الأرض يا جدع #قاطعوا_شركات_المحمول"، ودعت سلمى "‏#قاطعوا_شركات_المحمول، كانوا عايشين زمان من غير محمول وزي الفل ومحدش مات من غيره. اه وربنا".

وتساءلت جاسمين "#قاطعوا_شركات_المحمول سحييح. أما كارت أبو 100جنيه نشتريه ب 115 ونشحنه بـ 70 جنيه ليه اسمه كارت بـ 100؟ فين بقى رقم الـ 100 ده فالموضوع؟ أمجانين".

وغردت ريحانة "#فيها_ايه_لو كان عندنا وعي وفهمنا ان الزيادة بـ #كروت_الشحن دي جباية علينا وسرقة علني ولازم نتصدى لها ونشارك بحملة #قاطعوا_شركات_المحمول".

بدورها، خاطبت "بنت بلدي" المؤيدة للنظام "قاطعوا_شركات_المحمول، نواب الشعب، رئيس مجلس نواب الشعب، السادة الوزراء، السيد رئيس الوزراء، رجاء يكفي صب في جيب المواطن، لقد نفد رصيدكم يا سادة".

وقال "تركليز": "حاميها حراميها وشعب ملوش فيها العسكر حالبينها ومطلعين عين اللي فيها #قاطعوا_شركات_المحمول #عسكر_حرامية"، وخاطبت صباح المستخدمين "#قاطعوا_شركات_المحمول، ارجعوا لناسكم وعيالكم بدل ما القعدة كلها على النت الله يخرب بيته جاب النكبة".

وكتب مغرد آخر "إذا كان ما يصرفه المصريون على المحمول يتخطى 15.5 مليار دولار، فمقاطعة الاتصالات أو تخفيضها يَصْب بمصلحتك ومصلحة الوطن، #قاطعوا_شركات_المحمول".

وتساءلت أخرى "#قاطعوا_شركات_المحمول، بيقولك قيمة الكروت مش هتزيد ولكن هيتم تخفيض المكالمات، يعني كارت ب 100 ج رصيد 70 ج، طاب وال 30 جنيه أكلتهم القطة!".

وسخرت زهرة "خلال سنة واحدة #كروت_الشحن زادت 3 مرات بنسبة 57%، هتدفع يعني هتدفع، إنتوا مش عارفين إنكم نور عنيه".