محمد رمضان يعيد #جمال_مبارك وثورة يناير إلى "الترند"

أثار الممثل المصري، محمد رمضان، جدلاً كبيراً على مواقع التواصل الاجتماعي، بعدما نشر صورة تجمعه بنجل الرئيس المصري المخلوع حسني مبارك، جمال مبارك، معلقاً "مع الرجل المحترم جمال مبارك".

الصورة أوصلت وسم "#جمال_مبارك" إلى قائمة الأكثر تداولاً على موقع "تويتر"، وحازت الصورة المنشورة على صفحة رمضان حوالى 5 آلاف تعليق ينتقد معظمها تصرفه، بالإضافة إلى تفاعلات غاضبة.

وجاءت معظم التعليقات المهاجمة من مؤيدي "ثورة 25 يناير"، واستغربوا من خطوة رمضان، ودار جدل واسع بين رواد مواقع التواصل الاجتماعي، وتدخلت فيه كتائب الرئيس المصري عبدالفتاح السيسي الإلكترونية للدفاع عن رمضان، علماً أن العسكر استخدم رمضان في الترويج الإعلامي في الفترة الأخيرة، ما رآه بعضهم عقاباً للممثل على عدم انضمامه إلى قوات "دي أم سي" المخابراتية وإصراره على الاستمرار مع "أم بي سي مصر".

وربطوا ذلك بعدم مشاركته في أي مسلسل درامي في شهر رمضان الماضي، وظهوره بالزي العسكري في إعلان تلفزيوني، بالإضافة إلى دوره الإعلامي بعد اعتداء رفح الأخير، وانتشار صوره مع الضحايا.

الكاتب الصحافي، محمد طلبة رضوان، بادر إلى التعليق على الصورة "عندك حق... لولا الناس اللي هو وأبوه سرقوا فلوسهم وأفقروهم وخلوهم بؤساء وجهلة، مكانش سواق ميكروباص زيك بقى نجم".

وعلّق محمد عبدالوهاب "يعني الناس ماتت في الثورة عشان أنت تنزل صورة بعد كده تقول جمال مبارك راجل محترم"، فرد رمضان "أنا نفسي نزلت في يناير... ولكن أنا مش محلل سياسي. رجل محترم على المستوى الإنساني ويحترم لكونه مصرياً".

وأجابه أحمد سلامة "بلاش تتكلم عن يناير علشان أنت لو عديت قدام الميدان في يناير مكنتش هتتصور الصورة دي أصلاً، هقول إيه؟ حسبي الله ونعم الوكيل"، ووجه له عمر عمران النصح "كده في ناس كتير هتكرهك... خليك بعيد عن السياسة خالص والأشكال دي... هتركب الموجة الخطر... ده مش محترم ده اللي بسببه بقينا كدة".

وتساءل صبري حسن "الغريب هنا؟! إن الأستاذ محمد مقلش حاجة من ناحية بلحة خالص، يعني مش معارض له، ازاي بقى متفق مع جمال مبارك، انت محدش عارفلك حاجة، انت ماسك العصاية من النص زي ما بيقولوا كده، أو بالمعنى الأصح دي كلها سيناريوهات متفق عليها، لأن بكل بساطة جميع الأحزاب ومؤسسات البلد فاسدة من أصغر موظف لأكبر موظف، بمن فيهم كرسي الرئاسة، فطبيعي فاسد بيسلم لفاسد، ولعبة وشغالة ومش بتخلص".

وتعجب صاحب حساب "المصري": "أنا فاهم أنت عاوز ايه بالضبط... رامي نفسك في حضن الحكومة وقلنا ماشي... بتضبط نفسك مع النظام الحالي عشان تخلص مصالحك ماشي... لكن ترجع تتصور مع ابن المخلوع على أساس لو هيمسك البلد تاني... ايه حكايتك؟".