#كدابين يرد على نتائج مسرحية السيسي الانتخابية

دعا الكاتب المصري، جمال الجمل، لتفعيل وسم #كدابين لحظة إعلان نتيجة الانتخابات الرئاسية المصرية عبر حسابه على موقع التواصل الاجتماعي "تويتر" جاء فيها: "لحظة إعلان النتيجة، كلنا ننشر على فيسبوك وتويتر هاشتاغ من كلمة واحدة بس: #كدابين بالدال مش بالذال، من غير ولا كلمة زيادة حملة بسيطة مافيش أسهل منها.. هتخلق موجة واسعة جداً، وتحفر صفتهم في التاريخ: #كدابين".

ولاقت الدعوة، تجاوباً كبيراً من رواد مواقع التواصل الاجتماعي، ووصل التفاعل إلى حد أن الوسم ظهر في القائمة المصرية الأكثر تداولاً قبل الموعد المحدد لانطلاق التغريد، وهو الثالثة عصراً بتوقيت القاهرة حتى احتل قمة القائمة مع بدء المؤتمر.

كتب ابن القاضي: "بقصد أو بدون قصد فضحهم مانشيت المصري اليوم.. ثم قاموا هم بفضح أنفسهم بأنفسهم بإجبار المصري على تعديل المانشيت في طبعته الثانية.. ييجي #مكرم_محمد_أحمد ويعمل فيها دكر ويخلّي فضيحتهم بجلاجل ويطلع علينا مسيلمة الكذاب ويقول اتكلم وقول رأيك بحرية #كدابين".

وعلى جملة في بيان اللجنة العليا للانتحابات علّق رحال: "الـ #كدابين بيقولو: وفقاً للمعايير الدولية المطبقة والتهديد بالغرامة وقطع الأرزاق والمرتبات والمعاشات ده برضو وفق المعايير الدولية"؟؟

وغرّد أحدهم: "إعلان النتيجة اللي كلنا عارفينها من أربع سنين.. مشهد النهاية من الفصل الأخير في مسرحية الانتخابات جايزة أوسكار أحسن #كدابين".

وفي مفارقة كتب أحمد البقري: "بعد ساعات من لازم ننتخب #السيسي فيديو الممثلة المصرية #أمل_رزق: مش لاقية دكتور ولا سرير في أي مستشفى، أنا بموت الحقوني".

وعن المشهد المصاحب للانتخابات غرّد مجدي كامل: "هشك بشك ويقولك ناخبين". وكتب عمار عطالله: "عند نطق النتيجة اجعل نفسك متفاجئ اتففنا"؟

وبسخرية جاء تعليق علي مظلوم: "#الاصوات_الباطله جايبة 7 في المية من الأصوات يعني لو شدينا شوية كانت ممكن تدخل إعادة مع السيسي #كدابين".

وكتب البدري: "#يلا_نكدب_كدبه_ابريل #كدابين السيسي 97% تحيا مصر ده مجبش المجموع ده في الثانوية".

عصام مصراوي: يعني انتخابات الخارج اللي عملوا عليها حفلات طلعت 157 ألفاً هع هع هعععع #كدابين".

وكان لجملة الفنان الراحل أحمد زكي الشهيرة من أحد أفلامه النصيب الأكبر من التعليقات فكتبت لارا: "#كدابين كدابين.. وعارفين إنهم كدابين.. وعارفين إن احنا عارفين إنهم كدابين.. وبردو مستمرين في الكدب.. وبيلاقوا اللي يصقف لهم".

وشاركتها شوشو: "بردو #كدابين وانتوا عارفين انكوا #كدابين والعالم كله هيتفرج ع كدبكوا وعارف إنكوا #كدابين".