فيديو #مرتضى_منصور يضرب مؤتمر السيسي لذوي الاحتياجات الخاصة

انتشر على مواقع التواصل الاجتماعي فيديو قصير لعضو البرلمان المصري ورئيس "نادي الزمالك"، مرتضى منصور، رفقة طفلين من ذوي الاحتياجات الخاصة، استعان بهما في سبّ خصومه من أعضاء اللجنة الأولمبية التي قامت بإيقافه.

وأثار الفيديو هجوماً ونقداً شديدين على منصور. وربط ناشطون بين محاولات الرئيس المصري، عبد الفتاح السيسي، استغلال ذوي الاحتياجات الخاصة لتجميل صورة نظامه الذي يعتقل الأطفال وتدشينه "المؤتمر العربي الأول لمدارس ذوي الاحتياجات الخاصة"، وبين استخدام البرلماني ورجل النظام الأسلوب نفسه في مواجهة خصومه.

وتسبب هجوم رواد مواقع التواصل الاجتماعي على مرتضى في حذفه للفيديو، وفق ناشطين، وسط دعوات لتصعيد الأمر للمنظمات الدولية والحقوقية. 

وغرد معتز: "‏مرتضى استعان بطفلين من ذوي الاحتياجات الخاصة، في فيديو جديد كله سب في هشام حطب وأعضاء اللجنة الأولمبية، وبعد شتيمة الطفل لهشام حطب، قال مرتضى: شوف أنا جايبلك مين يشتمك.. شخص مريض ومؤذي، وأي حد بيدافع عنه أو معاه أو حتى بيسكت لما بتتجاب سيرته ويقول مليش دعوة هو زيه بالظبط".

وعلق الصحافي الرياضي أحمد فوزي على الفيديو: "‏ناقص قذارة إيه مرتضى ماعملهاش؟ مستوى جديد من الرخص والحقارة وكفيل إنه يشيله من أي منصب سواء كورة أو لأ؟".

وطالب علي عبد الرسول: "‏‎‎والله المفروض يتسجن مدى الحياة بس عشان الفيديو ده، سيبك من البلاوي اليومية التانية... كله إلا الأطفال المرضى... مش ممكن والله متساب كده عادي".

وتساءل محمد صلاح: "‏‎مش الفروض استغلال ذوي الاحتياجات الخاصة جريمة يعاقب عليها القانون؟".

حتى أحد مؤيدي النظام المعروفين عمرو حمدون هاجم منصور: "‏مرتضى منصور بيستغل ذوي الاحتياجات الخاصة في الشتيمة ينفع الكلام دا يا دولة يا حكومة يا مجلس النواب عار عليكم السكوت لو مجلس النواب أعضاؤه محترمين يرفعوا الحصانة عن مرتضى عشان يتحاكم كفاية".

وكتب سليم أحمد: "‏البلطجي مرتضى وتجارة خاسرة.. في ناس احتقرت مرتضى لما تاجر في الشباب ذوي الاحتياجات الخاصة وجعلهم يتلفظون بألفاظ هم في غنى عنها ولا يدركونها.. دي أقل حاجة في جعبة البلطجي مرتضى".

وطالب محمود عربي: "‏هو محدش هيقدم بلاغ في ‎#مرتضى_منصور بسبب اللي حصل في الفيديو الأخير ده.. يعني منظمات حقوق الإنسان مش عارفة إن استغلال ذوي الاحتياجات الخاصة لأغراض شخصية جريمة يعاقب عليها القانون".

وقال نيازي: "‏سمعت فيديو مرتضى مع العيلين من ذوي الاحتياجات الخاصة وطول الفيديو بضحك على مرتضى اللي بقى واضح جدا إنها هربانة منه ع الآخر وفي نفس الوقت قلقان إنه يشتم أو يضرب العيال دي أو يزعق معاهم عشان كل شوية يقاطعوه وكل ما واحد منهم يتكلم أقول في سري يا بنى اسكت خليها تعدي على خير وأرجع أضحك".

وطالب هاني محيي الدين الحكومة: "‏‎#الزمالك_في_الرياض.. خلاص خلص الكلام خلاص بلغ السيل الزبى خلاص يا دولة بلا قانون.. خلاص يا ريس هانصدق إنك راضي عنه .. خلاص يا مرتضى لازم تبقى عبرة بعد اللي عملته مع هؤلاء الملائكة".

وخاطبت إيمان السيسي: "‏اللي عملته في مؤتمر ذوي الاحتياجات الخاصة يا ريس ح ينسفه المدعو مرتضى منصور لو تم السكوت عليه ‎#مرتضى_منصور_مجرم_لازم_يتحاسب".