فضائح #بيراميدز و"شوال الرز" تتصدر الـ"ترند" المصري بعد أول مباراة

وتصدر وسم "#بيراميدز" قائمة الأكثر تداولاً "ترند" في مصر. وهاجمت معظم المشاركات النادي والمسؤول السعودي و"نظام الرز الخليجي" والأذرع الإعلامية. كما وردت جملة "روح الفانلة الزرقا" التي جاءت على لسان آل الشيخ في القائمة أيضاً.

سخر بكر من جماهير النادي: "‏جماهير التالتة شوال. #بيراميدز". ونقلت جيلان وكثير من المغردين كلام المحلل الكروي طه إسماعيل: "‏طه  اسماعيل : تأسيس نادي ‎#بيراميدز مالوش أي علاقة بالاستثمار.. هو مجرد رد  فعل شخصي وماينفعش نضحك على الناس ولازم نتكلم بكل صراحة.. ده غير الفلوس اللي ماحدش عارف داخلة وخارجة لمين وفين.. سيف زاهر : نطلع فاصل يا جماعة".

وعلق منير وصفي: "‏راتب مدحت شلبي في قناة ‎#بيراميدز مليون و300 الف دولار في الموسم كأعلى راتب لمذيع رياضي في تاريخ مصر.. من أقواله المأثورة.. نستحمل شوية علشان مصر".

وكتب كريم السعيد: "‏الموضوع أكبر من كونه نادي مستثمرين عرب، جمعوا نجوم الدوري المصري، إنشاء قناة بسرعة الصاروخ، في حين نادي الزمالك مقدرش يطلع بقناة من ٦ سنين!جمع رموز من النادي الأهلي والزمالك والكرة المصرية عامة بما فيهم المحايد مدحت شلبي على حد وصفه ليصبح صوت pyramids.. خوف.. #بيراميدز".

وتوقع أحد حسابات مشجعي "نادي الزمالك": "‏طبعاً مشجعين انبي هيقولوا في المدرجات النهاردة: شوال الرز ولع ليه.. أصل الجاز حامي عليه. #بيراميدز".

وكتبت يمنى: "‏المشكلة ان الناس كلها عارفة ان الشوال كداب جدا وان فلوسه مش معروف مصدرها ومشكوك فيه أصلا وان كل اللي بيعمله وبيقوله عشان متغاظ من الأهلي مش أكتر".

وتخيلت أمنية صلاح حواراً ساخراً: "‏وانت باه كمواطن مصري، هتتفرج النهاردة عادي على بيراميدز؟ اللي استرخصك وعراك قدام نفسك ووراك انك ممكن تبيع مبادئك ونفسك وهدومك بشوية ريالات؟ آه؟ كنت عارفة انو آه على فكرة. #بيراميدز".

وتساءل ديفو: "‏ايه حوار روح الفانلة الزرقا دا صحيح.. ناقص يقولك الهرم بتاعنا كمان".

وسخرت عبير وفيق: "‏ضحكتني أوي روح الفانلة الزرقا.. أهو مرتضى جاله أهبل ينافسه في الهطل. #بيراميدز".