مقتل شاب مصري في الأردن يثير الغضب بمواقع التواصل

أثار مقتل العامل المصري أمير سمير إبراهيم على يـد شاب أردني بطلق ناري، على أثر خلاف بينهما في حي نزال وسط العاصمة الأردنية ‎عمّان، الغضب على مواقع التواصل الإجتماعي، لا سيما أن الحادثة تأتي بعد مقتل مصريين في السعودية، وإهانة آخر في الكويت.
وفيما تساءلت نجلاء: ‏"هو إحنا دمنا بقى رخيص كده ليه؟" اعتبر جيفارا أنه: ‏"لازم يكون فيه وقفة من الدولة بجد، مش يطلعوا علينا يقولوا ده حادث فردي، ويخلص الموضوع على كده". 
ووجه مظلوم اتهامه للخارجية المصرية، قائلاً: "‏شاب مصري اسمه أمير سمير إبراهيم، اتقتل علي يـد شاب أردني بطلق ناري، إثر خلاف بينهما في حي نزال وسط العاصمة عمان، الموضوع أصبح ظاهرة يصعب تبرريها، الخارجية المصرية مشاركة في الجريمة بصمتها المتواطئ". 
وكتب عماد: ‏"يا جدعان والله في قانون، يعني ضرب النار دا مسموح هناك عادي، سرق واللا اغتصب واللا عمل اللي عمله، في قانون يحاسب، الأردن كمان؟ طيب نقفل القوس ولا لسه في دولة تانية عايزة تقتل كام واحد مننا؟". 
وأجابه جمال: ‏‎"متهيألي هو حادث فردي، ومفيش داعي لإثارة الكره والبغضاء أكتر ما هي مثارة، الفكرة في سفاراتنا بره اللي ملهاش أي تلاتين لازمة، واللي مابتجبش حق أي مصري بره. عاوز أقولك لما كنت في السعودية، لو خدامة فلبينية حصلها حاجة، سفارتهم كانت بتقلب الدنيا". 
وقال يوسف: ‏"زمان قالوا اللي ملوش كرامة جوه بيته، ملوش كرامة بره، وللأسف إحنا اللي بندفع الثمن كل يوم، بدم الناس اللي زي الورد دول". 
وشاركه إسلام قائلاً: ‏"من جديد مقتل شاب مصري في الأردن بسبب خلاف مع أحد الأردنيين، وللمرة المليون ملكش قيمة وكرامة في بلدك، بلاش تنتظر قيمة وكرامة بره لا من غريب ولا حتى من سفارة بلدك، العالم كله شاف إزاي السفارات المصرية كانت بتعامل المصريين بمنتهي الذل في أزمة كورونا".

سوشيال ميديا

التحديثات الحية

سخرية على مواقع التواصل من تمثال "مصر تنهض"

بدوره كتب حسن: ‏"أهو شاب مصري تاني اتقتل في الأردن، بعد كام يوم من مقتل شابين في السعودية، وبعد أيام من ضرب شاب في الكويت. وصعب تقدر تربط بين الحوادث التلاتة غير بالشكل اللي النظام لا يترك مناسبة إلا وبيتفانى في تصديره عننا: "فقرا - غلابة - محتاجين فلوس ومساعدات -"الكرامة تيجي بعدين لما نبقى أقوياء". 
وبحسب الأخبار المتداولة، فإن وزارة القوى العاملة طالبت السفارة المصرية في ‎عمّان بالتواصل مع جهة عمل ‎الشاب المصري القتيل، وذلك لحفظ حقوقه العمالية، فتساءل محمد مستنكرا: ‏"بس كده؟؟ ده اللي هاممكم بس مستحقاته المالية؟؟".

هو احنا دمنا بقا رخيص كده ليه؟؟ https://t.co/yEg6dCXt14

— NOooga (@NaglaaSoliman19) August 2, 2020

بعد أيام من مقتل ثنين على يد سعودي مقتل العامل المصري #أمير_سمير_إبراهيم، علي يـد شاب أردني بطلق ناري إثر خلاف بينهما في حي نزال وسط العاصمة عمان وبعدين بقى لازم يكون فيه وقفه من الدوله بجد مش يطلعوا علينا يقولوا ده حادث فردي ويخلص الموضوع على كده 😢

— Guevara Elmasry✪ (@GuevaraElmasry1) August 2, 2020

شاب مصري اسمه أمير سمير إبراهيم،
اتقتل علي يـد شاب أردني بطلق ناري، إثر خلاف بينهما في حي نزال وسط العاصمة عمان
الموضوع أصبح ظاهرة يصعب تبرريها
الخارجية المصرية مشاركة فى الجريمة بصمتها المتواطئ pic.twitter.com/7tkbjLvuPf

— مظلوم (@elmazlooma) August 2, 2020

مقتل شاب مصري يدعى أمير سمير إبراهيم "30 عامًا" بالرصاص على يد شاب أردني وسط العاصمة عمّان..يا جدعان والله في قانون..يعني ضرب النار دا مسموح هناك عادي..سرق ولا أغتصب ولا عمل إللي عمله..في أم قانون يحاسب..
الاردن كمان..طيب نقفل القوس ولا لسه في دولة تانية عايزة تقتل كام واحد مننا. pic.twitter.com/tsMmiJL1r8

— ⏺مش عارف (@emadmustapha) August 2, 2020

مقتل شاب مصري يدعى أمير سمير إبراهيم "30 عامًا" بالرصاص على يد شاب أردني وسط العاصمة عمّان..يا جدعان والله في قانون..يعني ضرب النار دا مسموح هناك عادي..سرق ولا أغتصب ولا عمل إللي عمله..في أم قانون يحاسب..
الاردن كمان..طيب نقفل القوس ولا لسه في دولة تانية عايزة تقتل كام واحد مننا. pic.twitter.com/tsMmiJL1r8

— ⏺مش عارف (@emadmustapha) August 2, 2020

زمان قالو الي ملوش كرامه جوه بيته، ملوش كرامه بره، وللاسف احنا الي بندفع الثمن كل يوم بدم الناس الي زي الورد دول.. https://t.co/jC3HVWHFy5

— يوسُف (@Lifeisunfair97) August 2, 2020

أهو شاب مصري تاني اتقتل في الأردن، بعد كام يوم من مقتل شابين في السعودية، وبعد أيام من ضرب شاب الكويت. وصعب تقدر تربط بين الحوادث التلاته غير بالشكل اللي النظام لا يترك مناسبة إلا وبيتفانى في تصديره عننا: فقرا - غلابة - محتاجين فلوس ومساعدات - الكرامة تيجي بعدين لما نبقى أقويا

— حسن عادل (@HssnAdl) August 2, 2020