غضب بعد رفع سعر #الدولار_الجمركي... "صب جديد في مصلحة المصريين"

وحاول المذيع المقرب من الأجهزة الأمنية عمرو أديب، في برنامجه "الحكاية" على فضائية "إم بي سي مصر" تبرير القرار معلقاً: "البلد عاوزة تقف على رجلها مش عاوزة تدلع"، محاولاً ربط القرار بسلع غير ضرورية مثل "الكافيار والخمور والجمبري والببغاوات": "فيه أولويات في البلد زي رغيف العيش والتعليم ودعم المحروقات والكهربا".


أما رواد مواقع التواصل الاجتماعي فشنوا انتقادات غاضبة على النظام، وكتبت حليمة: "‏15% زيادة على السلع بسبب ارتفاع سعر الدولار الجمركي ومالو، أحسن ما نبقى زي فرنسا إلا فيها تخريب ودمار. #مرسي".

وسخر المدون شريف عزت: "‏اتفاقية إلغاء الجمارك على العربيات الأوروبي هتتنفذ من أول السنة يعني العربيات هترخص. قام وزير المالية رفع الدولار الجمركي على كل العربيات فهتزيد تقريبا ١٢% - زود جمارك يا باشمهندس طارق مايهمكش".

وكتبت المدونة "زنوبيا": "‏في نفس أسبوع فستان ‎#رانيا_يوسف: تحرير سعر الدولار الجمركي للمجموعة من السلع وإيطاليا تسرب اسمين من أسماء الضباط المشتبه بيهم في قتل جوليو ريجيني ووتيرة الكلام حول تعديلات دستورية متعلقة بالمواد الخاصة بالرئاسة تتزايد و ... بص العصفورة".

ووصفت ريهام نور: "‏الدولة اللي بتعتبر مستحضرات النظافة والعناية الشخصية كماليات تبقى دولة معفنة. ‎#الدولار_الجمركي". وتساءل محمد أبو ذكري: "‏- رفعنا الدولار الجمركي عشان نحافظ على الصناعة الوطنية! = هي فين الصناعة الوطنية؟! - يعني هو فين الدولار!".

وكتب أسامة عن تصريحات المسؤولين: "‏رئيس مصلحة الجمارك: رفع سعر الدولار الجمركي يصب في مصلحة الصناعة المصرية... وطبعا السلع المستوردة والمواد الخام سعرها هيزيد يبقا كدا الصب في مصلحة المواطن مزدوج مستورد ومحلي.. محتاجين مصالح بلاستيك مستوردة تتحمل الضغط...أخبار الدولار العسكري إيه؟ #الدولار_الجمركي".

وطرحت داليا مهنا سؤالا: "‏سؤال بس للي رفعوا أسعار السلع للمرة الخامسة هي البطانية استفزازية فى إيه؟ ولا الصابون؟ #الدولار_الجمركي".

وغرد حساب "جفت محبرتي": "وزير المالية عن تحرير الدولار الجمركي: ضميري مرتاح.. هو أنتوا عندكوا ضمير". وسخر المنسي: "‏جيت اشتري دماغي ... لقيتها غليت بعد زيادة الدولار الجمركي".

وشرحت مي مرشدي: "‏‎الدولار الجمركي كان ب ١٦ جنيها دي حاجة ثابتة على أي حاجة بتدخل البلد يعني لو الدولار زاد أو قل.. سعر السلعة دي مش هيتأثر لأنهم مثبتينه على ال ١٦ دي.. تحرير الدولار الجمركي يعني ييقى السلع الي بتدخل البلد تبقى بسعر الدولار في السوق .. المهم إن ده معناه إن الأسعار هتزيد وأيام سودا".

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post