عمرو واكد مغرداً عن النظام المصري: "الناس دي هتضيعنا"

أثار الفنان المصري، عمرو واكد، جدلاً واسعاً، خلال الساعات الماضية، بعدد من التغريدات، تناول فيها الأوضاع السياسية في مصر، موجهاً انتقاداً واضحاً لممارسات السلطات. 

وبرزت 3 تغريدات كتبها واكد على حسابه الشخصي في "تويتر"، الأولى جاء فيها: "لن أعيش في خوف".

بينما غرد في الثانية: "في ناس فاكرة إن بالتهديد والاعتداء والحبس والقتل خارج القانون والكذب والتشويه والخداع المشاكل بتتحل، الناس دي بكل بساطة هتضيعنا". ثم كتب تغريدة ثالثة جاء فيها "الناس اللي بتقول احنا ضيعنا خلاص: للأسف أنتم لسه ما شوفتوش حاجة. السكوت عن الظلم حسابه وحش. والحساب جاي جاي".

وتفاعل الناشطون على مواقع التواصل مع تغريدات واكد، فعلّق محمد نور: "عمرو واكد اتهور وربنا يستر عليه". وأيدته سها بالقول: "يبقى هعيش في السجن ربنا يستر".

كما وجه محمد هلال نصيحة له فكتب: "عمرو واكد وأخد حبوب شجاعة على الصبح وهيودي نفسه في داهية، اهدى كده يا فنان وكُل عيش وربي عيالك في جمهور عريض بيحبك ومش عاوزينك توحشنا قريب".

وأجابه محمد علواني: "الحق سينتصر والباطل الى زوال ولكن لا بد قبل انتصار الحق أن تسقط الأقنعة أولا وها هي الأقنعة تتساقط يوما بعد يوم والحق يظهر جليا الآن عرف الناس من هم القتلة الفسدة ومن هم الأشراف الأطهار الرجال الذين لا يقبلون الضيم ولا ينزلون على رأي الفسدة".

أما هشام شعيب فكتب "احنا ضعنا يافنان واللي كان كان والشعب خلاص ميت اكلينيكيا".

بدوره، كتب محمد مختار: "أحمد السقا وعمرو واكد ممثلين السقا بيتمحك وهيمثل دور كله كدب وتأليف عشان يتمحك فى النظام وعمرو عامل فيلم الفرد بيتكلم كأنك بتشوف قصة بتحصل فى بلدنا كل يوم والمشكلة انك هتلاقى فى الاخر عمرو بيمشي عشان محدش هيسيبه يجسد الواقع كله لازم يكون اراجوظ فى سيرك النظام".

وطالبه حسين بوجي باستغلال شهرته "أنت واللي زيك تستطيعون التغيير لأنكم معروفون للعالم انما اصبح المواطن العادي عديم الفائدة للعالم ولن يتحرك له أحد، تحركوا انتم ونحن في خلفكم". وكذلك كتب كريم أحمد "اه والله وده اصلا سبب ضياعنا من 60 سنة لحد دلوقتي".