#ثورة_تاني_من_جديد لإسقاط "شوال الرز" و"بلحة"
أراد المغردون إحياء أجواء ثورة 25 يناير (كوني تاكاهاشي/Getty)
نشّط رواد مواقع التواصل الاجتماعي وسم "
#ثورة_تاني_من_جديد"، ودعوا عبره إلى التدوين ومشاركة كل مؤمن بشعار أن "الثورة هي الحل"، في محاولة لإحياء روح وأجواء "ثورة 25 يناير"، والبناء على نتائج هتاف جماهير "الأهلي" الأخيرة المناهضة لرئيس الهيئة العامة للرياضة السعودية،
تركي آل الشيخ، التي أفضت إلى تلويحه بالإعلان عن الانسحاب قطاع الرياضة في مصر.
وغرد محمد خضير: "لازم بجد علشان مستقبل أولادنا والأحرار اللي في السجون والظلم البين اللي زاد عن حده للعصابة اللي سرقت مصر وبتنهب في ثرواتها.. أوعى تخاف من الموت لأنه هايجيلك حتى لو قفلت بابك عليك.. هايجيلك بالفقر والجوع.. متخافش غير من ربنا وقول كلمة الحق ولا تخاف موت ولا سجن. #ثورة_تاني_من_جديد".
وهتف محمد السهري: "يسقط يسقط حكم البلحة.. ثورة ثورة حتى النصر. #ثورة_تاني_من_جديد".
واشترط أحمد ياسر: "#ثورة_تاني_من_جديد.. لا يمكن تنجح أي ثورات إلا إذا اتحدنا ونسينا إخواني وعلماني وفلول والشرعية.. لو فضلنا متمسكين بهذه الأقوال خلينا ساكتين ونقول لنفسنا جتكم الأرف ونقبل أن نعيش عبيد بيادة. #يسقط_يسقط_حكم_العسكر".
وعن المدارس المكتظة، كتب كمال كامل: "دولة بتبني عاصمة جديدة وكيكي وبيكي وقصور بمليارات المليارات لشوية منافقين ومش عارفين يبنوا كام فصل فى الخرابات اللي بيسموها مدارس لولاد الغلابة. #ثورة_تاني_من_جديد".
وتفاءل سيف عثمان: "خروج تركى آل شيخ من مصر أظهر تحدي الشعب وقوته الكامنة التى أن استخدمها استطاع بإذن الله أن يغير الواقع الأليم الذى تمر البلاد. #ثورة_تانى_من_جديد".
وعن تركي آل الشيخ شاركت أمل جاويش: "#ثورة_تانى_من_جديد.. عشان ما يجيش واحد زي ده بفلوسه يتحكم في شعب بأكمله وينشر بينهم الضغينة والكراهية.. إحنا عايزين نمتلك إرادتنا ونرجع عزتنا وكرامتنا ونبقى إيد واحدة ضد الظلم والاستبداد".
وتساءل صادق: "إحنا محتاجين ثورة فعلا بس قولولي مين هيقوم بيها خلاص؟ الثوار الحقيقين كانوا في 25 يناير ونصهم مات والنص التاني اعتقل.. نعمل ثورة وبعدها نلاقيكم نازلين بتطالبوا بحكم عسكري تاني! الشعب اللي ما يعرفش يحكمو غير البيادة مابيعرفش يقوم بثورات من زمان واحنا سايبنها لعواجيزك. #ثورة_تاني_من_جديد".
ووجه تامر النصح للمصريين: "ما زلنا نعيش حالة ثورة كسبنا أول جولة وخسرنا جولة لكن ما زال هناك جولة حاسمة أوعوا الثورة تتسرق منكم. #ثورة_تانى_من_جديد".
ولفت أبو يوسف لأهم سبب: "علشان الكرامة.. #ثورة_تاني_من_جديد".
تابع آخر أخبار العربي الجديد عبر Google News
