السيسي عن البحث العلمي: "منين؟"... ومصريون: "فلوس العاصمة"

وبصورة تحوي جملة شهيرة من الفيلم العربي "الزوجة الثانية"، كتب أحمد بدوي: "السيسي: إذا لم يجد الشباب الفرصة عندي، ياخدها في حتة تانية لصالح الإنسانية".

وعن الهدف من تلك المؤتمرات، صرح السيسي: "كنت شايف مشكلة في التواصل مع شباب مصر قبل 2016"، فعلق حسام عرباوي: "فحبستهم كلهم عشان أريّح دماغي من المشاكل".

وعن قول السيسي مخاطباً الدول المتقدمة: "لو عندنا عقل مميز نبعته، وادّونا نسبة من عقله"، النصيب الأكبر من السخرية والتعليقات، كتب عبد العزيز مجاهد: "حل عبقري جديد من السيسي؛ المصريون لهم الحق في الاستفادة من منتجات العقول المصرية في الخارج، ومشاهدة أفلام رامي مالك مجاناً، والاستفادة من اختراعات عصام حجي، لكن تستفيدوا من الناس اللي إحنا طفشناهم ببلاش!".

وشارك أحدهم: "بيقولك لو عندنا عقل مميز نبعتهلكم وادونا نسبة من عقله... حاجة كدة ميكس بين تاجر عبيد، على وكيل لعيبة، على تاجر أعضاء بشرية".

وجاءت مشاركة أحمد البرادعي: "الرئيس البياع عبد الفتاح البياع، حتى العقول اللي ممكن تساعدنا ننهض عايز تبيعها أو تاخد نسبة الجيش، متاجر للخليج، والعقول للغرب، والبترول بيتباع، وبيتلم من كل واحد أكتر مما بيكسب، والآخر تعزم شوية ضيوف تقنع بيهم نفسك إنك صح. حسبي الله ونعم الوكيل فيك".

وفسّرت أميرة: "السيسي خلص سلف من طوب الأرض، ودلوقتي بيدوّر على الناس اللي سافرت واشتغلت ونجحت، عاوز ياخد من الدول ضريبة. ده بعيد عن شنباتك".

وعن تطوير البحث العلمي تساءل السيسي: "منين وبكام؟؟" فأجابت إيمان: "من نفس المكان اللي بنيت منه العاصمة الإدارية الجديدة، وأكبر مسجد وأكبر كاتدرائية يا فاشل".

وكتب فتحي محمود: "أتعجب على رئيس يعمل مؤتمر، ويجيب بشر من كل الدول على حساب الدولة لمدة 3 أيام، طيران، إقامة، وجبات، هدايا، وPocket Money، ويطلع يقول للشعب إحنا فقرا قوي، ويلغي التموين ويرفع دعم عن الشعب. أي عقلية تتعامل بها؟ هل هو استفزاز للشعب لأنه أخرس؟".