الأردنيون ينشغلون بعرس #إربد وعزلها إثر كورونا

جاءت هذه الإجراءات بعدما تسبّب حفل زفاف أقيم في المحافظة قبل أقل من شهر، بثلث إصابات فيروس كورنا في الأردن تقريباً (68 حالة من أصل 212 إصابة). وجاء الكشف عن الإصابات المتتالية بعدما تبيّن إصابة العروس وشقيقتها ووالدها بفيروس كورونا، وذلك إثر عودتهم من السفر، قبل الزفاف.

وأثارت هذه الحادثة موجة ردود فعل على مواقع التواصل، فقال محمد مازن في تغريدة له منقولة عن عريس إربد  قصي طلافحة: "أنا العريس المصاب من عرس #إربد والله لا يحط حدا مكاني أعتذر لكل الاردنيين عن ما حدث. هذا قدر الله... أنا صيدلاني وبتمنى إني أموت ولا يصيب حدا مكروه".

وكتب المهندس يزن: "يا إخوان بنرجع وبنعيد لكل واحد حضر العرس وما راح فحص، بالله عليكوا تروحوا تفحصوا ولأي حدا خالطهم يروح يفحص وأي حدا بعرف إنهم راحوا على العرس وإنهم مش مبلغين يبلغ عنهم أرواح وحياة الناس أمانه برقابكم خافوا الله بالناس".

فيما كتب معتز ربيحات: "إخواني أي حدا بنزل نكت وتنهيف على موضوع عزل إربد لا حدا يزعل رح احذفه لأنه إحنا في وضع ما يسمح فيه للمزح ادعوا ربنا يفك عنهم وعنا الأزمة وادعولهم. مش وقت مزح وتنهيف مشان الله البلد يمر بوضع صعب".

من جانبه غرّد غازي كنعان: "إربد عروس الشمال، إربد الصابرة على البلاء، إربد نص ولادها عسكر عالحدود، إربد اليرموك والتكنو اللي خرجت ورفدت هالبلد بشهادات وعقول، إربد السهل والقمح والخير وطشات الربيع.إربد في شدة و تزول ان شاء الله.. إربد عروس الشمال وأم السبع خرزات. حقك فوق راسنا".