اختفاء تمثال "بائع العرقسوس" يثير سخرية المصريين: تلاقيه في أبوظبي

انشغلت مواقع التواصل المصرية ليل الثلاثاء بواقعة اختفاء تمثال "بائع العرقسوس"، والذي فوجئ سكان حي غرب مدينة الإسكندرية باختفائه ولم يتبق منه سوى قدميه، ليربطها ناشطون بظاهرة اختفاء الآثار في الآونة الأخيرة، ما جعل وزارة الآثار تنفي أن التمثال أثري من الأساس أو تابع لها، قائلةً إنه صنع عقب ثورة يناير. فهاجم ناشطون نظام الرئيس عبدالفتاح السيسي بسبب محاولته إخفاء كل آثار الثورة.

وكتبت إيناس المريغي ساخرة: "‏بعد مسلسل اختفاء وبيع الآثار والتماثيل.. عاجل.. ونقلا عن شبكة أبو الهول.. فراعنة من الأسرتين الرابعة والخامسة يقطعون طريق الكباش احتجاجاً على ما ورد من أنباء عن بيع تمثال بائع العرقسوس للمستثمر الإماراتي".

وغردت ريحانة: "‏بيقولك اختفاء تمثال بائع العرقسوس من ميدان باسكندريه.. معلش الجو حر نزل يجيب تلج علشان العرقسوس أو يمكن جاله عقد عمل في متحف اللوفر الجديد في الإمارات.. ده معمول من النحاس الخالص يخرب بيتك يا ‎#السيسى! #اعرف_فاسد".

وحذر صاحب حساب "عسل أسود": "‏اختفاء تمثال بائع العرقسوس بـ ‎#الإسكندرية بعد انهياره! لا دي حاجة ما يتسكتش عليها بقى حد يتصل بأم خديجة المغربية تشوف إيه الحكاية دي، كل يوم حاجة بتختفي من البلد يا جدعان أنا خايف نصحى الصبح نلاقي الأهرامات مش موجودة".

وتوقع أحمد: "‏‎اختفاء تمثال بائع العرقسوس من أقدم ميادين الإسكندرية! عادي سبق اختفاء تمثال كاتمة الأسرار من حديقة الشلالات بالإسكندرية! العجيب أن السرقة تحتاج أوناش ومعدات ضخمة لعبور أسوار الحديقة! الجرائم الكبيرة وراءها شخصيات كبيرة لديها الإمكانات والسلطة والسطوة".

ولخص ممدوح العراقي القصة: "‏بس يا سيدي وقام الإسكندرانية من النوم ولاحظوا بأن تمثال بياع العرقسوس اللي قدام قسم شرطة مينا البصل اتسرق.. مش عاوز أصدق".

وعلق أحمد فوزي: "‏في مصر بيهتموا بالراچل بتاع العرقسوس فقط لو كان تمثالا".
وسخر صاحب حساب "قلم حر": "‏بيان محافظة ‎#الإسكندرية عن اختفاء تمثال بائع العرقسوس الأثري: لا صحة لسرقة التمثال ولدينا معلومات أنه سافر القاهرة يشتري شكارتين عرقسوس خام من تحت كوبري الساحل وعدى على وسط البلد جاب الصاجات بس كان قافل تليفونه ‎#الإسكندرية #اعرف_فاسد".

وسخر صبحي سمير من بيان الوزارة: "‏أيوه يا جماعة وزارة الآثار التماثيل بتاعتها بتبقى التماثيل الأثرية بس إنما ده تمثال بياع عرقسوس يبقى أكيد أكيد بتاع الرجل بتاع العرقسوس مش محتاجة فقاقة يعني".