"#المصالح_الحكومية": فضح الفساد الإداري في عهد السيسي
الواسطة تحكم المعاملات الإدارية (محمد الشاهد/فرانس برس)
دشّن مغردون مصريون وسم "#المصالح_الحكومية" لفضح أوضاع الجهاز الإداري للدولة والخاصّ بخدمات المواطنين وما يحويه من فساد ورشوة، ومحسوبية وبيروقراطية، تعليقاً على ترويج نظام الرئيس عبد الفتاح السيسي وأذرعه الإعلامية مكننة كل الخدمات الحكومية، ومحاربة الفساد الإداري.
وتصدّر الوسم قائمة الأكثر تداولاً المصرية، في غياب واضح للكتائب الإلكترونية التي لم تستطع الوقوف أمام التيار المهاجم. واعتبر ناشطون أن تعبير "شخلل علشان تعدي" هو العامل المشترك بين النظام العسكري وموظفيه في الجهاز الإداري التابع له.
وكتب صاحب حساب "الفوهرر": "المصطلح الرسمي للموظفين الحكوميين هو: شوف نفسك علشان تخلص. زي جملة (شخلل يا فندينا علشان تعدي) نيههااهها #المصالح_الحكوميه". وغرد طارق ظافر: "مجرد سماع كلمة المصالح الحكومية تشعر بالخنقة والزحمة وتضع ايدك فى جيبك تلقائياً علشان الشاي بتاع الموظف وعلشان تلحق تروح بدري.. وعلى رأى المثل مفيش رشوة مفيش مصالح مقضية. #المصالح_الحكومية".
وأشار صاحب حساب "كورغون": "#المصالح_الحكومية تاني أقذر مكان في مصر بعد أقسام الشرطة". بدوره، أكد صاحب حساب "خليك في حالك": "هي عبارة عن معتقالات تعذيب بشتى الطرق للمواطن المصري الغلبان والموظفين هم أشد غلظه من عشماوي.. نفسي أقول الا من رحم ربي ولكن مش باين.. الله المستعان. #المصالح_الحكوميه".
وانتقد هيثم شهيب: "الدنيا كلها بقت بتخلص مصالحها ع النت.. واحنا لسه شغل الزحمة والورق والطابور مش ناوي يخلص. #المصالح_الحكوميه". كذلك سخر أحمد شحاتة: "الحمد لله رب العالمين جامداوي ومعايا واسطة. #المصالح_الحكومية". ولخص ماريو: "المصالح الحكومية دي مزيج من عدم النظام والواسطة".
وأكد صاحب حساب "جين الثورة": "المصالح الحكومية أسفل تاني حاجة في مصر بعد #السيسي". وقص "فايبر" قصته: "أنا قاعدت شهر أقنع مدام سميحة أن دي بطاقتي والصورة غلط وتقولي بطاقتك لسة مجتش وفي الآخر طلعت صح وأقعدت عليها 6 شهور تانية رايح جاي بس عشان التعديل. #المصالح_الحكومية".
ووافقه حماده عمر: "أقسم بالله عشان أخلص الرخصة الخاصة والموظف يوقع على الأوراق أخد مني 100 جنيه والا كان هيقول أوراقك ناقصة.. ربنا يكفينا شر المصالح الحكومية في مصر. #المصالح_الحكومية". وسخر حساب "شباب ضد الانقلاب": "متغمضليش عين غير لما أقف في #المصالح_الحكومية".
تابع آخر أخبار العربي الجديد عبر Google News
المزيد في منوعات
